மகிழ்ச்சி செய்தி! பள்ளி மாணவர்களின் வங்கிக்கணக்கில் ரூ.12000.... தமிழக அரசின் சலுகை திட்டத்தை மிஸ் பண்ணிட்டாத்தீங்க....!!!

தமிழகத்தில் அரசு மற்றும் அரசு உதவி பெறும் பள்ளிகளில் பயிலும் மாணவர்களுக்கு கல்வி தொடர்வதை ஊக்குவிக்கும் முக்கியமான திட்டங்களில் ஒன்று NMMS தேர்வு ஆகும். இந்தத் திட்டத்தின் மூலம் திறமைமிக்க மாணவர்களுக்கு பொருளாதார ஆதரவு வழங்கி, அவர்களின் உயர்கல்வி பயணத்தை உறுதிப்படுத்த தமிழக அரசு தொடர்ந்து நடவடிக்கைகள் மேற்கொண்டு வருகிறது.

NMMS தேர்வு முடிவுகள் வெளியீடு

தமிழக அரசுப் பள்ளிகள் மற்றும் அரசு உதவி பெறும் பள்ளிகளில் 8-ஆம் வகுப்பு பயிலும் மாணவர்களுக்காக நடத்தப்பட்ட தேசிய வருவாய் வழி மற்றும் திறன் படிப்புதவித் திட்டத் தேர்வு (NMMS தேர்வு) முடிவுகள் தற்போது வெளியாகியுள்ளன. கடந்த ஜனவரி 10-ஆம் தேதி நடைபெற்ற இந்தத் தேர்வில் பங்கேற்ற மாணவர்களில் தகுதி பெற்றவர்களின் பட்டியலை அரசுத் தேர்வுகள் இயக்ககம் வெளியிட்டுள்ளது.

முடிவுகளை எங்கு பார்க்கலாம்?

தேர்வில் தேர்ச்சி பெற்ற மாணவர்கள் மற்றும் பெற்றோர்கள் www.dge.tn.gov.in என்ற அரசுத் தேர்வுகள் இயக்ககத்தின் அதிகாரப்பூர்வ இணையதளத்திற்குச் சென்று முடிவுகளை சரிபார்த்துக் கொள்ளலாம். இணையதளத்தின் முகப்புப் பக்கத்தில் உள்ள ‘Other Examination’ என்ற பகுதியில் சென்று தேர்வு முடிவுகளை பதிவிறக்கம் செய்யும் வசதியும் வழங்கப்பட்டுள்ளது.

இதையும் படிங்க: மாணவர்களே... மாதம் 7 ஆயிரம் முதல் 50 ஆயிரம் வரை உதவித்தொகை! முழு தகவல் உள்ளே!

மாணவர்களுக்கு வழங்கப்படும் உதவித்தொகை

இந்தத் திட்டத்தின் கீழ் தேர்வாகும் மாணவர்களுக்கு ஆண்டுக்கு ₹12,000 வீதம் கல்வி உதவித்தொகை வழங்கப்படும். இது 9-ஆம் வகுப்பு முதல் 12-ஆம் வகுப்பு வரை நான்கு ஆண்டுகளுக்கு வழங்கப்படுவதால் மொத்தம் ₹48,000 வரை மாணவர்கள் பெறுவார்கள். இந்த கல்வி உதவித்தொகை நேரடியாக மாணவர்களின் வங்கிக் கணக்கில் செலுத்தப்படும்.

தமிழக அரசின் இந்த முயற்சி கிராமப்புற மற்றும் பொருளாதார ரீதியாக பின்தங்கிய மாணவர்களுக்கு பெரும் ஊக்கமாக இருக்கும் என்று கல்வி வட்டாரங்கள் தெரிவிக்கின்றன. குறிப்பாக பள்ளி இடைநிற்றலைக் குறைத்து, திறமைமிக்க மாணவர்கள் உயர்கல்வியை நோக்கி முன்னேறுவதற்கு இந்த NMMS தேர்வு திட்டம் முக்கிய பங்காற்றுகிறது.

இதையும் படிங்க: மாணவர்களுக்கு மகிழ்ச்சி செய்தி! வங்கி கணக்கில் ரூ.4000.... தமிழக அரசு வெளியிட்ட சூப்பர் அறிவிப்பு!!!