மகிழ்ச்சியில் பெற்றோர்கள்.... அனைத்து பள்ளிகளின் பள்ளிக்கட்டணம் குறித்து தமிழக அரசு வெளியிட்டுள்ள முக்கிய அறிவிப்பு...!!!

தமிழகத்தில் கோடை விடுமுறை முடிந்து ஜூன் 4-ஆம் தேதி பள்ளிகள் திறக்கப்பட உள்ள நிலையில், தனியார் மற்றும் அரசு உதவிபெறும் பள்ளிகளுக்கு மாநில தகவல் ஆணையம் முக்கிய உத்தரவை பிறப்பித்துள்ளது. பள்ளிகள் வசூலிக்கும் கல்விக் கட்டண விவரங்களை பொதுமக்கள் பார்வைக்கு கட்டாயமாக வெளியிட வேண்டும் என்று அறிவுறுத்தப்பட்டுள்ளது.

இதன்படி, சம்பந்தப்பட்ட பள்ளிகள் தங்களது அதிகாரப்பூர்வ இணையதளத்தில் முழுமையான கட்டண விவரங்களை வெளியிட வேண்டும் என தெரிவிக்கப்பட்டுள்ளது. இணையதளம் இல்லாத பள்ளிகள், பள்ளி வளாகத்தில் உள்ள அறிவிப்பு பலகையில் கட்டண விவரங்களை தெளிவாகக் குறிப்பிட வேண்டும் என்றும் கூறப்பட்டுள்ளது.

இதையும் படிங்க: வெளுத்து வாங்கும் கனமழை! நாளை (அக்..22) பள்ளிகளுக்கு விடுமுறையா! மாவட்ட ஆட்சியர்களுடன் முதல்வர் ஸ்டாலின் உத்தரவு....

பெற்றோர்களுக்கு முன்கூட்டியே தகவல்

பள்ளிகள் திறக்கப்படுவதற்கு முன்பாகவே இந்த விவரங்கள் வெளியிடப்பட வேண்டும் என்பதால், பெற்றோர்கள் தங்கள் பிள்ளைகளுக்கான கல்விக் கட்டணம் குறித்து முன்கூட்டியே தெரிந்து கொள்ள முடியும். இதனால் திடீர் கட்டண உயர்வு அல்லது கூடுதல் தொகை வசூல் போன்ற பிரச்சினைகள் குறையும் என எதிர்பார்க்கப்படுகிறது.

மேலும், பள்ளிகள் அரசு நிர்ணயித்துள்ள விதிமுறைகளுக்குள் கட்டணத்தை வசூலிக்கிறதா என்பதை பெற்றோர்களே கண்காணிக்கவும் இந்த நடவடிக்கை உதவும் என்று கல்வித்துறை வட்டாரங்கள் தெரிவிக்கின்றன.

வெளிப்படைத்தன்மைக்கு முக்கியத்துவம்

பள்ளிக் கல்வி துறையில் வெளிப்படைத்தன்மை உறுதி செய்யும் நோக்கிலேயே இந்த உத்தரவு பிறப்பிக்கப்பட்டுள்ளதாக கூறப்படுகிறது. குறிப்பாக ஒவ்வொரு ஆண்டும் கல்விக் கட்டணம் தொடர்பாக எழும் புகார்களை குறைக்கும் முயற்சியாக இதைப் பார்க்கப்படுகிறது.

பள்ளி நிர்வாகங்கள் விதிகளை முறையாக பின்பற்றாவிட்டால், பெற்றோர்கள் சம்பந்தப்பட்ட அதிகாரிகளிடம் புகார் அளிக்கவும் வாய்ப்பு இருக்கும் என தகவல்கள் தெரிவிக்கின்றன.

இதையும் படிங்க: குஷியோ குஷி! மீண்டும் 3 நாட்கள் தொடர் விடுமுறை..!! மகிழ்ச்சியில் மாணவர்கள்...!!!