மாணவர்களே.... 10,11,12 ஆம் வகுப்பு பொதுத் தேர்வு வினாத்தாள் பிழைகள் குறித்து தேர்வுகள் இயக்கம் வெளியிட்ட முக்கிய அறிவிப்பு !!!

தமிழகத்தில் நடைபெற உள்ள 10, 11 மற்றும் 12ஆம் வகுப்பு பொதுத்தேர்வு மாணவர்களுக்கு முக்கியமான கட்டமாக இருக்கும் நிலையில், வினாத்தாள்களில் பிழைகள் ஏற்பட்டால் உடனடியாக தெரிவிக்க புதிய வழிமுறையை அரசுத் தேர்வுகள் இயக்ககம் அறிமுகப்படுத்தியுள்ளது. மாணவர்களின் எதிர்காலத்தை பாதுகாக்கும் நோக்கில் இந்த முன்னெச்சரிக்கை நடவடிக்கை எடுக்கப்பட்டுள்ளது.

வினாத்தாள் பிழைகளுக்கு தனி மின்னஞ்சல்

அரசுத் தேர்வுகள் இயக்ககம் (DGE) அறிவித்துள்ள புதிய நடைமுறையின் படி, தேர்வு நேரத்தில் வினாத்தாளில் பிழைகள் இருந்தாலோ அல்லது பாடத்திட்டத்திற்கு அப்பாற்பட்ட கேள்விகள் (Out of Syllabus) இடம்பெற்றாலோ, மாணவர்கள், ஆசிரியர்கள் மற்றும் பள்ளித் தலைமையாசிரியர்கள் மின்னஞ்சல் மூலம் புகார் அளிக்கலாம். இதற்காக dgequestionpaperqueries@gmail.com என்ற தனிப்பட்ட மின்னஞ்சல் முகவரி உருவாக்கப்பட்டுள்ளது.

புகார் அளிக்கும் முறை

புகார் அனுப்பும்போது சம்பந்தப்பட்ட வினா எண், அதில் உள்ள பிழை மற்றும் தேவையான விளக்கங்களை தெளிவாக குறிப்பிட வேண்டும் என்று DGE அறிவுறுத்தியுள்ளது. தேர்வு முடிந்த உடனேயே இந்த தகவலை அனுப்புவது அவசியம் எனவும் கூறப்பட்டுள்ளது.

இதையும் படிங்க: மாதந்தோறும் ரூ. 1500 வழங்க... தமிழகம் முழுவதும் நாளை(நவ..20) அனைத்து பள்ளிகளுக்கும் அரசு வெளியிட்ட அவசர அறிவிப்பு.!

போனஸ் மதிப்பெண்களுக்கு ஆய்வு

பெறப்படும் புகார்களை நிபுணர் குழு ஆய்வு செய்து, உண்மையான பிழைகள் உறுதி செய்யப்பட்டால் மாணவர்களுக்கு தகுந்த போனஸ் மதிப்பெண்கள் வழங்குவது குறித்து சரியான நேரத்தில் முடிவு எடுக்கப்படும் என்று தெரிவிக்கப்பட்டுள்ளது. இது மதிப்பீட்டில் வெளிப்படைத்தன்மையை உறுதி செய்யும் முயற்சியாக பார்க்கப்படுகிறது.

மாணவர்களின் மனஅழுத்தத்தை குறைத்து, தேர்வில் நியாயமான மதிப்பீடு கிடைக்க வேண்டும் என்பதற்காக இந்த நடைமுறை பெரிதும் பாராட்டப்படுகிறது. எந்தவித அச்சமும் இல்லாமல் தேர்வை எதிர்கொள்ள மாணவர்கள் தயாராக இருக்க வேண்டும் என்பதையும், அரசு முழுமையான வெளிப்படைத்தன்மையுடன் செயல்படுகிறது என்பதையும் இந்த அறிவிப்பு வலியுறுத்துகிறது.

இதையும் படிங்க: BREAKING: முதல்வர் ஸ்டாலின் நாளை ( நவ.26) அனைத்து பள்ளி, கல்லூரிகளுக்கும் வெளியிட்ட முக்கிய உத்தரவு!