பொங்கல் பரிசாக ரூ. 3000 முதல் ரூ. 5000 ரொக்க பணம் வழங்க..... அரசின் பரிசீலனையில் நிதிஉதவி...!!!!

போதிய மழை இல்லாததால் டெல்டா மாவட்டங்களில் குறுவை சாகுபடி பாதிக்கப்பட்டு விவசாயிகள் கடும் நெருக்கடியில் உள்ளனர். இதையடுத்து, வரவிருக்கும் பொங்கல் பண்டிகையை முன்னிட்டு ரேஷன் கார்டுதாரர்களுக்கு தலா ரூ.3,000 முதல் ரூ.5,000 வரை ரொக்க உதவி வழங்க வேண்டும் என்ற கோரிக்கை எழுந்துள்ளது. அதேநேரம், பொங்கல் பரிசுத் தொகுப்புக்கான செங்கரும்பை இடைத்தரகர்கள் மூலம் வாங்காமல், விவசாயிகளிடம் நேரடியாக கொள்முதல் செய்ய வேண்டும் என்றும் வலியுறுத்தப்பட்டுள்ளது.

குறுவை சாகுபடி பொய்த்ததால் பாதிப்பு

டெல்டா மாவட்டங்களில் போதிய மழை கிடைக்காததால் குறுவை சாகுபடி எதிர்பார்த்த அளவில் கைகொடுக்கவில்லை. இதனால் விவசாயிகளின் வருமானம் பாதிக்கப்பட்டுள்ளது. பண்டிகை காலச் செலவுகளும் அதிகரிக்கும் நிலையில், குடும்பங்களுக்கு கூடுதல் நிதியுதவி வழங்குவது ஓரளவு நிவாரணமாக இருக்கும் என விவசாயிகள் சங்கங்கள் தெரிவிக்கின்றன.

இதையும் படிங்க: பொங்கல் பரிசு 4 முழ வேட்டி, ஜரிகை சேலை, பொங்கல் பணம் ரூ 3,000 கிடைக்குமா? தவெக அரசின் அடுத்த அதிரடி அறிவிப்பு...!!!

இடைத்தரகர்கள் இல்லாமல் கரும்பு கொள்முதல்

பொங்கல் பரிசுத் தொகுப்பில் வழங்கப்படும் செங்கரும்புக்கு விவசாயிகளுக்கு உரிய விலை கிடைக்க வேண்டும் என்பதும் முக்கிய கோரிக்கையாக உள்ளது. செங்கரும்பு கொள்முதல் பணியை இடைத்தரகர்களிடம் ஒப்படைக்காமல், வேளாண் அதிகாரிகளின் மேற்பார்வையில் நேரடியாக விவசாயிகளிடமிருந்து மேற்கொள்ள வேண்டும் என சங்கங்கள் தொடர்ந்து வலியுறுத்தி வருகின்றன.

அரசின் பரிசீலனையில் நிதியுதவி?

விவசாயிகளின் வாழ்வாதார பாதிப்பு மற்றும் பொதுமக்களின் பண்டிகைச் செலவுகளை கருத்தில் கொண்டு, இந்த கோரிக்கைகள் குறித்து அரசு பரிசீலிக்க வாய்ப்புள்ளதாக கூறப்படுகிறது. குறிப்பாக, இடைத்தரகர்கள் இன்றி கரும்பு கொள்முதல் செய்வது தொடர்பாக வேளாண் மற்றும் கூட்டுறவுத்துறை அதிகாரிகளுடன் ஆலோசனை நடத்தி வழிகாட்டுதல்கள் வெளியிடப்படலாம்.

அதேபோல், மாநிலத்தின் தற்போதைய நிதிநிலையை கணக்கில் கொண்டு ரேஷன் கார்டுதாரர்களுக்கான பொங்கல் நிதியுதவி தொகையை உயர்த்துவது குறித்தும் அரசு ஆலோசிக்கலாம். இதற்கான இறுதி முடிவு மற்றும் அதிகாரப்பூர்வ அறிவிப்பு அரசின் அடுத்தகட்ட நடவடிக்கைகளுக்குப் பிறகே தெரியவரும்.

இதையும் படிங்க: சில நிமிட நிகழ்ச்சிகாக பல கோடி செலவா? மேட்டூரில் முதல்வர் விஜய் செய்த சம்பவம்! கொதிக்கும் தமிழக மக்கள்...!!!