நாளுக்கு நாள் அதிகரிக்கும் சவால்! சிசிடிவி இல்லாத சின்ன கிராமத்தில் சத்தமில்லாமல் நடந்த மர்மம்... செஞ்சி சிறுமி மாயமான வழக்கில் திகைத்து நிற்கும் சிபிசிஐடி..!!!



hemalatha-missing-case-cbcid-search-9vtdc2

விழுப்புரம் மாவட்டம் செஞ்சி அருகே ஆலம்பூண்டியில் 7 வயது சிறுமி ஹேமலதா மாயமான வழக்கில், ஒரு மாதத்துக்கும் மேலாகியும் உறுதியான தடயம் கிடைக்காததால் சிபிசிஐடி போலீசார் தீவிர விசாரணை நடத்தி வருகின்றனர். சிறுமி எங்கு சென்றார், அவரை அழைத்துச் சென்றது யார் என்பது குறித்து இதுவரை தெளிவான தகவல் கிடைக்கவில்லை. கிராமத்தில் சிசிடிவி வசதி இல்லாததும் விசாரணைக்கு பெரும் சவாலாகியுள்ளது.

பல்வேறு கோணங்களில் நடந்த தேடுதல்; கிடைக்காத உறுதியான தடயம்

கடந்த அக்டோபர் 11-ம் தேதி இரவு பிறந்தநாள் கொண்டாடிய ஹேமலதா, தாய் மற்றும் பாட்டியுடன் வீட்டில் உறங்கியுள்ளார். மறுநாள் அதிகாலையில் அவர் காணாமல் போனது தெரியவந்தது. இதையடுத்து காவல்துறையினர் பல்வேறு கோணங்களில் விசாரணை நடத்தினர். பலரிடம் விசாரணை மேற்கொண்டதுடன், வாகனங்களின் நடமாட்டம், பல்வேறு இடங்களில் கிடைத்த தகவல்கள் உள்ளிட்டவற்றையும் ஆய்வு செய்தனர்.

இதையும் படிங்க: வார்த்தை வெளிவராமல் கவனமாக பேசும்... செஞ்சி சிறுமி பெற்றோர்..! 8 மணி நேரக் கிடுக்கிப்பிடி விசாரணை... வீட்டின் ரகசியத்தை முதலில் உடைக்கும் சிபிசிஐடி...! வெளியான திடுக்கிடும் தகவல்கள்...!!!

நாமக்கல் கோவில் உள்ளிட்ட இடங்களில் உள்ள சிசிடிவி பதிவுகளையும் ஆய்வு செய்துள்ளனர். பெற்றோரிடம் நீண்ட நேர விசாரணை நடத்தப்பட்டதுடன், அருகிலுள்ள செங்கல் சூளையிலும் தடயவியல் நிபுணர்கள் சோதனை மேற்கொண்டனர். இருப்பினும், சிறுமி குறித்து உறுதியான தகவல் கிடைக்கவில்லை.

கிராமத்தில் சிசிடிவி இல்லாதது விசாரணைக்கு சவால்

குற்ற வழக்குகளில் சிசிடிவி காட்சிகள் பல நேரங்களில் முக்கியத் தடயமாக அமைகின்றன. ஆனால், ஆலம்பூண்டி குளக்கரை தெருவில் கண்காணிப்பு கேமராக்கள் இல்லாததால், நள்ளிரவில் வீட்டுக்குள் யாராவது வந்தார்களா, சிறுமி எந்த வழியாக அழைத்துச் செல்லப்பட்டார் என்பதைக் கண்டறிவதில் அதிகாரிகள் சிரமம் எதிர்கொண்டு வருகின்றனர்.

சிறிய கிராமத்தில் பெரும்பாலானவர்களுக்கு ஒருவரையொருவர் தெரிந்திருக்கும் நிலையில், குழந்தை எந்தவொரு தெளிவான தடயமும் இல்லாமல் மாயமானது விசாரணையில் பல கேள்விகளை எழுப்பியுள்ளது. இதனால், சம்பவம் நடந்த நேரத்தில் கிராமத்தில் இருந்தவர்கள், வாகனங்கள் சென்ற பாதைகள் மற்றும் அப்பகுதியின் சூழல் உள்ளிட்ட விவரங்கள் மீண்டும் ஆய்வு செய்யப்படுவதாகத் தெரிகிறது.

திட்டமிட்ட கடத்தல் என்ற கோணத்திலும் ஆய்வு

சிறுமி மாயமான விதம் மற்றும் இதுவரை கிடைத்த தகவல்களை அடிப்படையாகக் கொண்டு, திட்டமிட்ட கடத்தல் நடந்திருக்குமா என்ற கோணத்திலும் விசாரணை நடைபெற்று வருவதாக தகவல்கள் தெரிவிக்கின்றன. செல்போன் பயன்பாடு, சுற்றுவட்டாரப் பாதைகள், சம்பவ நேரத்தில் நடந்த நகர்வுகள் உள்ளிட்ட பல்வேறு விவரங்களை அதிகாரிகள் ஆராய்ந்து வருகின்றனர்.

தடயவியல் தகவல்கள், ஏற்கனவே பெறப்பட்ட வாக்குமூலங்கள் மற்றும் பிற ஆதாரங்களை ஒன்றிணைத்து சிபிசிஐடி போலீசார் ஆய்வு மேற்கொண்டு வருகின்றனர். சிறுமி ஹேமலதா குறித்த தகவல் கிடைக்குமா என்ற எதிர்பார்ப்பு ஆலம்பூண்டி கிராமத்திலும் அவரது குடும்பத்தினரிடமும் தொடர்ந்து நிலவி வருகிறது.

 

இதையும் படிங்க: 36 நாட்கள் ஆகிட்டு..! நேற்று தந்தையிடம் 7 மணி நேரம்... இன்று தாயிடம் 7 மணி நேரம்! சிபிசிஐடி-யின் கிடுக்குபிடி விசாரணயில் சிக்கிய அந்த ஒரு உண்மை..! செஞ்சி சிறுமி வழக்கில் வெளியாகும் திடுக்கிடும் திருப்பம்!!!