முதல்வர் விஜய் நெற்றியில் இருக்கும் அந்த கருப்பு பொட்டு பின்னால் ஒளிந்திருக்கும் ரகசியம் என்ன தெரியுமா? கோட் - சூட்டிலும் இப்படி ஒரு விஷயம் இருக்காம்!!

தமிழக முதலமைச்சராக பதவியேற்ற பிறகு நடிகர் விஜய்யின் தோற்றம் அரசியல் வட்டாரங்களில் மட்டுமல்லாமல் சமூக வலைதளங்களிலும் பேசுபொருளாகி வருகிறது. குறிப்பாக அவர் அணியும் கருப்பு கோட்-சூட் மற்றும் நெற்றியில் வைத்திருக்கும் கருப்பு பொட்டு குறித்து பல்வேறு தகவல்கள் வெளியாகி வருகின்றன. இதனால் ரசிகர்கள் மற்றும் அரசியல் ஆர்வலர்கள் மத்தியில் புதிய விவாதம் உருவாகியுள்ளது.

தமிழ் திரைத்துறையில் முன்னணி நடிகராக இருந்த விஜய், கடந்த 2024ஆம் ஆண்டு தமிழக வெற்றிக்கழகம் என்ற கட்சியை தொடங்கினார். அதன்பின் அரசியலில் முழுமையாக ஈடுபட்ட அவர், தற்போது தமிழக முதலமைச்சராக பதவியேற்றுள்ளார்.

நெற்றியில் இருக்கும் கருப்பு பொட்டு என்ன?

முதலமைச்சராக பதவியேற்ற நாள் முதல் விஜய் தனது நெற்றியில் கருப்பு நிற பொட்டு வைத்து வருவது கவனத்தை ஈர்த்துள்ளது. தகவலின்படி, இந்த பொட்டு “அரகஜா திலகம்” என அழைக்கப்படுகிறது. அரசியல் தலைவர்கள், தொழிலதிபர்கள் மற்றும் ஆன்மிக நம்பிக்கை கொண்டவர்கள் இதைப் பயன்படுத்துவது வழக்கமென கூறப்படுகிறது.

இதையும் படிங்க: #Just In: கோட் சூட்டுடன் வீர நடையில் வந்த விஜய்....! கொண்டாட்டத்தில் நேரு ஸ்டேடியம்... வைரலாகும் லேட்டஸ்ட் லுக்..!!!

ஜவ்வாது, பச்சை கற்பூரம், புனுகு, வெட்டிவேர் உள்ளிட்ட மூலிகைகள் சேர்த்து தயாரிக்கப்படும் இந்த திலகம், வாழ்க்கையில் நல்ல மாற்றங்களையும் வெற்றிகளையும் தரும் என்ற நம்பிக்கை இருப்பதாக சொல்லப்படுகிறது. அதனால் தான் விஜயும் இதைப் பயன்படுத்தி வருகிறார் என தகவல் வெளியாகியுள்ளது.

கருப்பு கோட்-சூட்டின் பின்னணி

விஜய் அணியும் கருப்பு கோட்-சூட் கூட தற்போது இணையத்தில் அதிகமாக பேசப்படுகிறது. ஜாதக மற்றும் நிற நம்பிக்கையின் அடிப்படையில் அவர் கருப்பு நிறத்தை தேர்வு செய்கிறார் என கூறப்படுகிறது. கருப்பு நிறம் அதிகாரம், தன்னம்பிக்கை, ஆளுமை மற்றும் தனித்துவத்தின் அடையாளமாக பார்க்கப்படுவதால் அதனை தொடர்ந்து பயன்படுத்தி வருகிறார் என்ற தகவலும் வெளியாகியுள்ளது.

இதையடுத்து அவர் அணியும் கோட்-சூட்டை பிரபல ஆடை வடிவமைப்பாளர் சபீர் அகமது வடிவமைத்துள்ளதாக கூறப்படுகிறது. ஒரு கோட்-சூட்டின் விலை ரூ.40 ஆயிரம் முதல் ரூ.70 ஆயிரம் வரை இருக்கும் என தகவல்கள் தெரிவிக்கின்றன.

இணையத்தில் வைரலாகும் தோற்றம்

சட்டசபை வருகை முதல் அரசு நிகழ்ச்சிகள் வரை விஜயின் உடைத் தேர்வு தொடர்ந்து கவனத்தை பெற்று வருகிறது. அரசியல் தலைவராக உருவெடுத்த பிறகு அவரது ஒவ்வொரு தோற்றத்திற்கும் தனி அடையாளம் உருவாகி வருவதாக ரசிகர்கள் கருத்து தெரிவித்து வருகின்றனர்.

இதையும் படிங்க: 6 மணிக்கு மேல் விஜய் வீட்டை விட்டு வெளியே வராததற்கு இதுதான் காரணம்...! விஜய்யின் அம்மா போட்டு உடைத்த அந்த ரகசியம்! முதல்வர் ஆன பிறகும் இதே ரூல் தானாம்!!!