ஐயோ.. ஓட்டப்பந்தயத்தின் இறுதிகட்டத்தில் ஓடுபாதையில் திடீரென புகுந்த 6 வயது சிறுவன்! வேகமாக மோதிய தடகள வீரர்.... அடுத்து நடந்த பயங்கரம்! நீதிமன்றம் விதித்த பெரும் அபராதம்.!!!

ஓட்டப்பந்தயத்தின் இறுதி கட்டத்தில் எதிர்பாராதவிதமாக பாதைக்குள் ஓடிய 6 வயது சிறுவன் மீது தடகள வீரர் மோதிய விவகாரம் நீதிமன்றம் வரை சென்றுள்ளது. 27 வயதான மார்கஸ் ரீட், அதிவேகமாக ஓடிக்கொண்டிருந்தபோது குறுக்கே வந்த லூகாஸ் கார்ட்டர் மீது மோதினார். இதில் படுகாயமடைந்த சிறுவனுக்கு அவசர அறுவை சிகிச்சை செய்யப்பட்டது.

பந்தயப் பாதைக்குள் திடீரென ஓடிய சிறுவன்

பந்தயத்தின் இறுதி இலக்கை நோக்கி மார்கஸ் ரீட் வேகமாக சென்று கொண்டிருந்தார். அப்போது ஆறு வயதான லூகாஸ் கார்ட்டர் எதிர்பாராதவிதமாக ஓட்டப்பந்தயப் பாதைக்குள் ஓடி வந்ததாக கூறப்படுகிறது. வேகம் அதிகமாக இருந்ததால், உடனடியாக பிரேக் எடுத்து தன்னை கட்டுப்படுத்த மார்கஸால் முடியவில்லை. இதனால் சிறுவன் மீது பலமாக மோதல் ஏற்பட்டது.

இதையும் படிங்க: BREAKING: 44 ஆண்டுகளுக்கு பிறகு வரலாற்று சாதனை படைத்த இந்தியா! சீனாவில் நடந்த ஹாக்கி இறுதிபோட்டியில் தங்கம் வென்று அசத்திய இந்திய சிங்கப் பெண்கள்..!!!

நெஞ்சில் பலத்த காயம்; அவசர அறுவை சிகிச்சை

மோதலில் லூகாஸின் நெஞ்சுப் பகுதியில் கடுமையான காயம் ஏற்பட்டது. நிலைமை தீவிரமடைந்ததை தொடர்ந்து சிறுவனுக்கு அவசர அறுவை சிகிச்சை மேற்கொள்ளப்பட்டது. இதையடுத்து, சிறுவனின் தாயார் மார்கஸ் ரீட் மீது $500,000, அதாவது சுமார் ரூ.4.2 கோடி இழப்பீடு கோரி நீதிமன்றத்தில் வழக்கு தொடர்ந்தார்.

மார்கஸின் வாதத்தை நிராகரித்த நீதிமன்றம்

வழக்கு விசாரணையின்போது, பந்தயப் பாதைக்குள் பார்வையாளர்கள் வருவதற்கு அனுமதி இல்லை என்றும், சிறுவன் திடீரென குறுக்கே வந்ததால் எதிர்வினையாற்ற தனக்கு போதிய நேரம் கிடைக்கவில்லை என்றும் மார்கஸ் தரப்பில் வாதிடப்பட்டது.

ஆனால், இந்த வாதத்தை நீதிமன்றம் ஏற்கவில்லை. ஆறு வயது சிறுவனால் பந்தயத்தின் பாதுகாப்பு விதிகளை முழுமையாக புரிந்துகொள்ள முடியாது என நீதிபதி குறிப்பிட்டார். அதே நேரத்தில், அனுபவமிக்க வயது வந்த தடகள வீரராக மார்கஸ், மற்றவர்களுக்கு ஆபத்து ஏற்படாத வகையில் தேவையான முன்னெச்சரிக்கையை எடுத்திருக்க வேண்டும் என்றும் நீதிமன்றம் தெரிவித்தது. இறுதியில், விபத்துக்கு மார்கஸே பொறுப்பு என தீர்ப்பளிக்கப்பட்டதுடன், லூகாஸுக்கு $500,000 இழப்பீடு வழங்க உத்தரவிடப்பட்டது.

During a race, 27-year-old Marcus Reed accidentally knocked down six-year-old Lucas Carter after the boy suddenly ran onto the track. Lucas suffered a serious chest injury requiring surgery. Despite Marcus arguing that he had no time to react, the court found him responsible for… pic.twitter.com/u1EgeAVdnG— AVWEROSUOGHENE (@Akinjoshua2017) October 2, 2026