திடீர் திருப்பம்! அதிமுக மாஜிக்களுக்கு முக்கிய பதவியை தூக்கிக்கொடுக்கும் முதல்வர் விஜய்...! பரபரப்பில் தமிழக அரசியல்..!!!

அதிமுகவில் இருந்து விலகி தமிழக வெற்றிக் கழகம் கட்சியில் இணைந்த முன்னாள் எம்எல்ஏக்கள் மற்றும் முன்னாள் அமைச்சர்களுக்கு மாநில அளவிலான முக்கியப் பொறுப்புகள் வழங்கப்படலாம் என்ற தகவல் அரசியல் வட்டாரங்களில் பேசுபொருளாகியுள்ளது. இதுகுறித்து கட்சி தரப்பில் அதிகாரப்பூர்வ அறிவிப்பு இன்னும் வெளியாகவில்லை.

மாநிலப் பொறுப்புக்கு முன்னாள் எம்எல்ஏக்கள்?

அரசியல் வட்டாரங்களில் வெளியாகும் தகவல்களின்படி, சட்டமன்ற உறுப்பினர் பதவியை ராஜினாமா செய்து தவெக-வுக்கு ஆதரவு தெரிவித்த சி. விஜயபாஸ்கர் உள்ளிட்ட முக்கிய நிர்வாகிகளுக்கு மாநில அளவிலான பொறுப்புகள் வழங்கப்பட வாய்ப்பு இருப்பதாக கூறப்படுகிறது. மாற்றுக் கட்சியிலிருந்து இணையும் நிர்வாகிகளுக்காக தவெக தலைமை நடத்தவுள்ள சிறப்பு நிகழ்ச்சியில் இதற்கான அறிவிப்புகள் வெளியாகலாம் என்றும் எதிர்பார்க்கப்படுகிறது.

இதையும் படிங்க: அதிர்ச்சியில் எடப்பாடி! MLA பதவியை ராஜினாமா செய்த சி.விஜயபாஸ்கர்..! அடுத்தக்கட்ட அரசியல் நகர்வால் பரபரப்பு..!!!

முன்னாள் அமைச்சர்களுக்கும் முக்கியத்துவம்

அதேபோல், அதிமுகவில் இருந்து அண்மையில் விலகி தவெக-வில் இணைந்த முன்னாள் அமைச்சர்களான கடம்பூர் ராஜு, வெல்லமண்டி நடராஜன் உள்ளிட்டோருக்கும் புதிய பொறுப்புகள் வழங்கப்படலாம் என்ற தகவலும் வெளியாகியுள்ளது. அவர்களின் அரசியல் அனுபவம் மற்றும் தேர்தல் பணிகளை கருத்தில் கொண்டு, கட்சியின் மாநில அளவிலான கட்டமைப்பை வலுப்படுத்தும் வகையில் இந்த பொறுப்புகள் வழங்கப்படலாம் என கூறப்படுகிறது.

அரசியல் வட்டாரங்களில் எதிர்பார்ப்பு

பிற கட்சிகளில் இருந்து முக்கிய நிர்வாகிகளை இணைத்துக் கொண்டு அமைப்பு ரீதியாக கட்சியை விரிவுபடுத்தும் நடவடிக்கைகளை விஜய் தொடர்ந்து மேற்கொண்டு வருவதாக அரசியல் விமர்சகர்கள் கருத்து தெரிவித்து வருகின்றனர். இருப்பினும், இந்த நியமனங்கள் தொடர்பான இறுதி முடிவு மற்றும் பதவி விவரங்கள் அதிகாரப்பூர்வ அறிவிப்புக்குப் பிறகே உறுதியாகும் என்பதும் குறிப்பிடத்தக்கது.

இதையும் படிங்க: அதிமுக எம்.எல்.ஏ-க்கள் ராஜினாமாவிற்கு எடப்பாடி எடுத்த அதிரடி முடிவு! அரசியல் வட்டாரத்தில் பரபரப்பு...!!!