தவெக தலைமைக்கு சவாலான நிலை! 6 தொகுதி இடைத்தேர்தல்.. தவெகவில் யாருக்கு சீட்? மல்லுக்கட்டும் எம். எல். ஏக்கள்... கட்சிக்குள் வெடித்த கோஷ்டி மோதல்..!!!

தமிழக அரசியலில் இடைத்தேர்தல் தொடர்பான அரசியல் நகர்வுகள் தீவிரமடைந்துள்ள நிலையில், தமிழக வெற்றிக் கழகம் சார்பில் வேட்பாளர்களை தேர்வு செய்வது குறித்து கட்சிக்குள் பரபரப்பான ஆலோசனைகள் நடைபெற்று வருவதாக தகவல்கள் வெளியாகியுள்ளன. எந்த தொகுதியில் யாருக்கு வாய்ப்பு வழங்கப்படும் என்பது தற்போது முக்கிய விவாதமாக மாறியுள்ளது.

காலியாகும் தொகுதிகள் குறித்து எதிர்பார்ப்பு

தகவல்களின்படி, பெரம்பூர் தொகுதியை தக்கவைத்துக்கொண்டு திருச்சி கிழக்கு தொகுதி உறுப்பினர் பதவியை விஜய் ராஜினாமா செய்துள்ளதாகவும், மேலும் மதுராந்தகம், தாராபுரம், பெருந்துறை, விராலிமலை, அம்பாசமுத்திரம் ஆகிய தொகுதிகளில் இருந்து அதிமுகவைச் சேர்ந்த எம்.எல்.ஏக்கள் பதவியை ராஜினாமா செய்து தமிழக வெற்றிக் கழகத்தில் இணைந்துள்ளதாகவும் கூறப்படுகிறது. இதையடுத்து மொத்தம் ஆறு தொகுதிகளில் இடைத்தேர்தல் நடைபெறலாம் என்ற எதிர்பார்ப்பு உருவாகியுள்ளது.

இதையும் படிங்க: #Breaking : பதவி விலகினார் முதல்வர் விஜய்.! 

சீட் கேட்டு பல தரப்பினர் போட்டி

தங்களது பதவியை ராஜினாமா செய்து கட்சியில் இணைந்த முன்னாள் எம்.எல்.ஏக்கள், மீண்டும் அதே தொகுதிகளில் போட்டியிட தங்களுக்கு முன்னுரிமை வழங்க வேண்டும் என்று கட்சித் தலைமையிடம் வலியுறுத்தி வருவதாக கூறப்படுகிறது. மறுபுறம், கடந்த தேர்தலில் வாய்ப்பு கிடைக்காத கட்சியின் மூத்த நிர்வாகிகள் மற்றும் அடிமட்டத் தொண்டர்களும் இடைத்தேர்தலில் வாய்ப்பு கோரி களமிறங்கியுள்ளனர்.

தலைமை முன் சவாலான முடிவு

இதனுடன், சமீபத்தில் பிற கட்சிகளில் இருந்து இணைந்த புதிய முகங்களும் வேட்பாளர் வாய்ப்புக்காக முயற்சி செய்து வருவதாக தகவல்கள் தெரிவிக்கின்றன. பழைய நிர்வாகிகள், முன்னாள் எம்.எல்.ஏக்கள் மற்றும் புதிய இணைப்புகள் என மூன்று தரப்பினரிடமும் போட்டி நிலவுவதால், இறுதி வேட்பாளர் பட்டியலை தயாரிப்பது கட்சித் தலைமைக்கு முக்கிய சவாலாக மாறியுள்ளதாக அரசியல் வட்டாரங்கள் கூறுகின்றன.

இதையும் படிங்க: தவெக வில் போர்க்கொடி தூக்கிய 10 முக்கிய பிரமுகர்கள்..! அடுத்து கட்சியிலிருந்து விலகலா? அதிர்ச்சியில் CM விஜய்..!!!