BREAKING: சற்றுமுன்... அதிமுக-வில் இருந்து விலகி தவெக- வில் இணைந்த முக்கிய புள்ளி! பேரதிர்ச்சியில் எடப்பாடி...!!,

தஞ்சாவூர் அதிமுக மாநகரச் செயலாளராக செயல்பட்டு வந்த என்.எஸ். சரவணன், தமிழக வெற்றிக் கழகத்தில் இணைந்துள்ளார். தஞ்சாவூர் சட்டமன்றத் தொகுதி கூட்டணி ஒப்பந்தத்தின் அடிப்படையில் பாஜகவுக்கு ஒதுக்கப்பட்ட நிலையில், சரவணன் அதிருப்தியில் இருந்ததாக ஏற்கனவே செய்திகள் வெளியாகியிருந்தன. இந்த நிலையில் அவரது கட்சி மாறுதல் தஞ்சை அரசியல் வட்டாரத்தில் கவனம் பெற்றுள்ளது.

தஞ்சை தொகுதி பாஜகவுக்கு ஒதுக்கப்பட்டதால் ஏமாற்றம்

தஞ்சாவூர் தொகுதியில் போட்டியிடும் எதிர்பார்ப்புடன் என்.எஸ். சரவணன் ஆரம்பகட்ட தேர்தல் பணிகளை மேற்கொண்டு வந்தார். ஆனால், அதிமுக கூட்டணியில் தஞ்சாவூர் தொகுதி பாஜகவுக்கு ஒதுக்கப்பட்டது. இதனால் சரவணன் தரப்பில் அதிருப்தி ஏற்பட்டதாகவும், அவரது ஆதரவாளர்கள் தஞ்சாவூர் ரயிலடி பகுதியில் திரண்டு எதிர்ப்பை வெளிப்படுத்தியதாகவும் அப்போது தகவல்கள் வெளியாகின.

இதையும் படிங்க: நீங்களா நாங்களா பார்ப்போம்...! ஒரு செங்கலை கூட எடுத்து வைக்க முடியாது! மக்கள் பணம் ரூ.1,200 கோடி... மாற்று வலியை தேடுங்க! புதிய தலைமைச் செயலக திட்டத்திற்கு ஜெயக்குமார் கடும் எதிர்ப்பு...!!!

அதிமுகவில் இருந்து தவெகவுக்கு நகர்வு

தொகுதி ஒதுக்கீட்டுக்குப் பிறகு அரசியல் நடவடிக்கைகளில் சற்று அமைதியாக இருந்து வந்த சரவணன், தற்போது விஜய் தலைமையிலான தமிழக வெற்றிக் கழகத்தில் இணைந்துள்ளார்.இதன் மூலம் தஞ்சாவூரில் அதிமுக மாநகரச் செயலாளர் பொறுப்பில் இருந்த முக்கிய நிர்வாகி ஒருவர் தவெக பக்கம் சென்றிருப்பது அரசியல் ரீதியாக பேசுபொருளாகியுள்ளது.

தஞ்சை அரசியல் களத்தில் புதிய கவனம்

என்.எஸ். சரவணன் நீண்ட காலமாக அதிமுகவில் பல்வேறு பொறுப்புகளில் பணியாற்றி வந்தவர். 2023-ம் ஆண்டு முதல் தஞ்சாவூர் மாநகரச் செயலாளராக செயல்பட்டு வந்ததாகவும், சட்டமன்றத் தேர்தலில் தஞ்சை தொகுதியில் போட்டியிட விருப்பம் கொண்டிருந்ததாகவும் செய்திகள் தெரிவிக்கின்றன. தற்போது அவர் தமிழக வெற்றிக் கழகத்தில் இணைந்தது தஞ்சை மாவட்டத்தில் அக்கட்சியின் அரசியல் நகர்வுகள் குறித்த கவனத்தை அதிகரித்துள்ளது.

இதையும் படிங்க: நீங்க பேசுங்க... விஜய் சேதுபதிக்கு ஆதரவா நாங்க நிற்ப்போம்! CM விஜய்கு எதிராக களத்தில் இறங்கிய அதிமுக...!!!