மௌனம் சம்மதம்மா... மீண்டும் அதிமுகவில் இணைகிறாரா செந்தில் பாலாஜி? எடப்பாடி போட்ட கணக்கு அப்போ சரிதானா... அரசியல் களத்தில் புதிய விவாதம்..!!!

முன்னாள் அமைச்சர் செந்தில் பாலாஜி மீண்டும் அதிமுகவில் இணைய உள்ளார் என்ற தகவல்கள் அரசியல் வட்டாரங்களில் தொடர்ந்து பேசப்பட்டு வருகின்றன. ஆனால் இந்த விவகாரம் குறித்து அவர் இதுவரை எந்த அதிகாரப்பூர்வ விளக்கமும் அளிக்காதது கவனத்தை ஈர்த்துள்ளது. அவரது அமைதியே தற்போது பல்வேறு அரசியல் ஊகங்களுக்கு காரணமாகியுள்ளது.

பொதுவாக தன்னைச் சுற்றி வெளியாகும் விமர்சனங்கள் மற்றும் அரசியல் தகவல்களுக்கு உடனுக்குடன் பதிலளிக்கும் செந்தில் பாலாஜி, இந்த விவகாரத்தில் மட்டும் கருத்து தெரிவிக்காமல் இருப்பது அரசியல் பார்வையாளர்களிடையே கேள்விகளை எழுப்பியுள்ளது. இதனால் அவர் எடுக்கும் அடுத்தகட்ட முடிவு என்னவாக இருக்கும் என்ற எதிர்பார்ப்பும் அதிகரித்துள்ளது.

இதையும் படிங்க: அடிமேல் அடிவாங்கும் அதிமுக! தவெகவில் ஜெயகுமாரா? கசிந்த தகவலால் செம ஷாக்கில் எடப்பாடி..!!!

கொங்கு மண்டலத்தில் புதிய அரசியல் கணக்கு?

தகவலின்படி, கொங்கு மண்டல அரசியலில் தனது கட்சியின் செல்வாக்கை மேலும் வலுப்படுத்தும் நோக்கில் அதிமுக தலைமையகம் சில முக்கிய நகர்வுகளை மேற்கொண்டு வருவதாக கூறப்படுகிறது. குறிப்பாக கோவை மற்றும் சுற்றுப்புற பகுதிகளில் கட்சியின் அமைப்பை பலப்படுத்தும் முயற்சிகள் நடைபெற்று வருவதாக அரசியல் வட்டாரங்கள் தெரிவிக்கின்றன.

எடப்பாடி பழனிசாமி தரப்பின் திட்டம்?

அதிமுக பொதுச்செயலாளர் எடப்பாடி பழனிசாமி தலைமையில், முன்னாள் அமைச்சர் எஸ்.பி. வேலுமணிக்கு இணையாக அல்லது மாற்றாக வலுவான தலைமை முகத்தை உருவாக்கும் நோக்கில் செந்தில் பாலாஜியை மீண்டும் கட்சிக்குள் கொண்டு வர முயற்சிகள் நடைபெறுவதாக தகவல்கள் வெளியாகியுள்ளன. இதற்காக சில அரசியல் தொடர்புகளும் முன்னெடுக்கப்பட்டு வருவதாக கூறப்படுகிறது.

மௌனம் கிளப்பும் அரசியல் விவாதம்

இந்த பின்னணியில், செந்தில் பாலாஜி எந்த நிலைப்பாட்டை எடுக்கப் போகிறார் என்பது அரசியல் களத்தில் முக்கிய விவாதமாக மாறியுள்ளது. குறிப்பாக கொங்கு மண்டலத்தில் நடைபெறுவதாக கூறப்படும் இந்த உள்கட்சி நகர்வுகள், அப்பகுதி அரசியலில் புதிய பரபரப்பை ஏற்படுத்தியுள்ளன. அவரது அடுத்த அறிவிப்பு அல்லது விளக்கத்தை அரசியல் கட்சிகளும் ஆதரவாளர்களும் உன்னிப்பாக கவனித்து வருகின்றனர்.

இதையும் படிங்க: திமுகவில் வேலையை காட்ட ஆரம்பித்த எடப்பாடி! செந்தில் பாலாஜியை இழுக்க அதிமுக போட்ட ரகசிய ப்ளான்...அதிர்ச்சியில் ஸ்டாலின்.!!!