அடிமேல் அடிவாங்கும் அதிமுக! தவெகவில் ஜெயகுமாரா? கசிந்த தகவலால் செம ஷாக்கில் எடப்பாடி..!!!

தமிழக அரசியலில் புதிய பரபரப்பு கிளம்பியுள்ளது. நடிகர் விஜய் தலைமையிலான தமிழக வெற்றி கழகம் தொடர்ந்து தனது அரசியல் செல்வாக்கை விரிவுபடுத்தி வரும் நிலையில், அதிமுக முன்னாள் அமைச்சர் ஜெயக்குமார் அக்கட்சியில் இணையலாம் என்ற தகவல் அரசியல் வட்டாரங்களில் தீவிரமாக பேசப்பட்டு வருகிறது. இதுவரை இரு தரப்பிலும் அதிகாரப்பூர்வ உறுதிப்படுத்தல் எதுவும் வெளியாகாத நிலையில், இந்த விவகாரம் கவனத்தை ஈர்த்துள்ளது.

அதிமுகவில் தொடரும் உள்கட்சி சவால்கள்

கடந்த சட்டமன்றத் தேர்தலுக்குப் பிறகு அதிமுக பல்வேறு அரசியல் சவால்களை எதிர்கொண்டு வருகிறது. தேர்தல் தோல்வி, கட்சிக்குள் நிலவும் கருத்து வேறுபாடுகள் மற்றும் நிர்வாக மட்டத்தில் எழுந்துள்ள முரண்பாடுகள் காரணமாக கட்சியின் செயல்பாடுகள் குறித்து தொடர்ந்து விவாதங்கள் நடைபெற்று வருகின்றன.

இதையும் படிங்க: அதிமுக விற்கு இந்த நிலைமையா? எடப்பாடியை தலைமை பொறுப்பிலிருந்து மாற்றம்.... ஷாக் தகவல்!!!

இந்த சூழலில், கட்சியின் முக்கிய முகங்களில் ஒருவராக கருதப்படும் ஜெயக்குமார் சமீப காலமாக அரசியல் நிகழ்ச்சிகள் மற்றும் ஊடகச் சந்திப்புகளில் அதிகமாக பங்கேற்காமல் இருப்பது பல்வேறு ஊகங்களுக்கு வழிவகுத்துள்ளது.

தவெக-வை நோக்கி நகர்கிறாரா?

தகவல்களின்படி, தற்போதைய அரசியல் சூழ்நிலையை கருத்தில் கொண்டு தனது எதிர்கால அரசியல் பயணம் குறித்து ஜெயக்குமார் ஆதரவாளர்களுடன் ஆலோசனை நடத்தி வருவதாக கூறப்படுகிறது. குறிப்பாக, தமிழக அரசியலில் வேகமாக வளர்ந்து வரும் சக்தியாக பார்க்கப்படும் தவெக-வில் இணைவது குறித்தும் பேச்சுகள் நடைபெறுவதாக அரசியல் வட்டாரங்களில் தகவல்கள் வெளியாகியுள்ளன.

எனினும், இந்த தகவல்களுக்கு ஜெயக்குமார் தரப்பிலிருந்தோ அல்லது தவெக தரப்பிலிருந்தோ எந்தவித அதிகாரப்பூர்வ விளக்கமும் அளிக்கப்படவில்லை.

அரசியல் வட்டாரத்தின் கவனம்

ஏற்கனவே அதிமுகவின் சில நிர்வாகிகள் மற்றும் தொண்டர்கள் தவெக-வில் இணைந்துள்ளதாக கூறப்படும் நிலையில், ஜெயக்குமார் போன்ற மூத்த தலைவர் கட்சி மாறும் சூழல் உருவானால் அது அதிமுக அரசியலில் குறிப்பிடத்தக்க தாக்கத்தை ஏற்படுத்தும் என அரசியல் பார்வையாளர்கள் கருதுகின்றனர். இதனால் அடுத்த சில நாட்களில் இந்த விவகாரம் எந்த திசையில் நகர்கிறது என்பது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது.

இதையும் படிங்க: ட்விஸ்ட் மேல் ட்விஸ்ட் வைக்கும் சி.விஜயபாஸ்கர்! அப்போ தவெக இல்லையா... இப்போ திமுகவா! அரசியலில் வெடிக்கப்போகும் பெரிய பூகம்பம்...!!!