BREAKING: மனஉளைச்சலில் உள்ளதால் அரசியல் அறிவிப்பை ஒத்திவைத்த ராகவா லாரன்ஸ்! அவரே வெளியிட்ட பதிவு ...!!!

இயக்குநர் இமயம் பாரதிராஜா மறைவால் தமிழ் திரையுலகம் முழுவதும் சோகத்தில் ஆழ்ந்துள்ள நிலையில், நடிகர் ராகவா லாரன்ஸ் தனது அரசியல் நிலைப்பாடு குறித்த முக்கிய அறிவிப்பை ஒத்திவைத்துள்ளதாக தெரிவித்துள்ளார். இந்த அறிவிப்பு அரசியல் மற்றும் திரையுலக வட்டாரங்களில் கவனத்தை ஈர்த்துள்ளது.

இதுகுறித்து தனது ‘X’ தளப் பதிவில் கருத்து தெரிவித்துள்ள ராகவா லாரன்ஸ், பாரதிராஜாவின் மறைவு தனது குடும்பத்தில் ஒருவரை இழந்தது போன்ற வேதனையை ஏற்படுத்தியுள்ளதாக குறிப்பிட்டுள்ளார். அவரது மறைவால் மிகுந்த மனஉளைச்சலில் இருப்பதாகவும் தெரிவித்துள்ளார்.

இதையும் படிங்க: #BREAKING: பாஜகவின் அனைத்து பொறுப்பிலிருந்தும் விலகிய அண்ணாமலை! ராஜினாமாவை ஏற்றுக்கொண்டு அதிகாரப்பூர்வ அறிவிப்பை வெளியிட்ட கட்சி தலைமை...!!!

அரசியல் அறிவிப்பு தள்ளிவைப்பு

முன்னதாக தனது அரசியல் நிலைப்பாடு தொடர்பான முக்கிய அறிவிப்பை நாளை வெளியிடத் திட்டமிட்டிருந்த ராகவா லாரன்ஸ், தற்போதைய சூழ்நிலையை கருத்தில் கொண்டு அதை ஒத்திவைத்துள்ளார். புதிய அறிவிப்பின்படி, நாளை மறுநாள் காலை 10 மணிக்கு தனது முடிவை வெளியிடுவதாக அவர் தெரிவித்துள்ளார்.

பாரதிராஜாவுக்கு அஞ்சலி செலுத்தும் வகையிலும், அவரது குடும்பத்தினரின் துயரத்தில் பங்கேற்கும் விதத்திலும் இந்த முடிவு எடுக்கப்பட்டுள்ளதாக அவரது பதிவில் குறிப்பிடப்பட்டுள்ளது.

அரசியல் நகர்வு குறித்து அதிகரிக்கும் எதிர்பார்ப்பு

அண்மைக் காலமாக ராகவா லாரன்ஸ், தமிழக வெற்றிக் கழகம் அல்லது அண்ணாமலை முன்னெடுக்கவுள்ளதாக கூறப்படும் புதிய அரசியல் இயக்கத்தில் இணையலாம் என்ற தகவல்கள் பரவி வருகின்றன. இதனால் அவரது அடுத்தகட்ட அரசியல் முடிவு குறித்து பல்வேறு யூகங்கள் எழுந்துள்ளன.

இந்நிலையில் அறிவிப்பு ஒத்திவைக்கப்பட்டுள்ளதால், அவர் எந்த அரசியல் பாதையை தேர்வு செய்யப் போகிறார் என்ற எதிர்பார்ப்பு மேலும் அதிகரித்துள்ளது. அவரது அதிகாரப்பூர்வ அறிவிப்பு வெளியாகும் வரை அரசியல் வட்டாரங்களில் இந்த விவாதம் தொடரும் எனக் கருதப்படுகிறது.

இதையும் படிங்க: திடீர் ட்விஸ்ட்... அண்ணாமலையுடன் கைக்கோர்க்கப் போகும் ராகவா லாரன்ஸ்..? அதிர்ச்சியில் விஜய்..!!!