இப்படி செய்யலாமா? சட்டப்பேரவையில் முதல்வர் விஜய் முன்னாடி எடப்பாடி, உதயநிதி செய்த அதிர்ச்சி செயல்.... ஆனால் OPS செய்த நெகிழ்ச்சி செயல்! இதுதான் அரசியல் நாகரீகம்..!!!

தமிழகத்தின் புதிய முதலமைச்சராக பதவியேற்றுள்ள விஜய்க்கு, சட்டப்பேரவை கூட்டத்தொடரில் பல்வேறு அரசியல் தலைவர்கள் வாழ்த்து தெரிவித்தனர். ஆனால், எதிர்க்கட்சித் தலைவர்களின் அணுகுமுறை அரசியல் வட்டாரத்தில் புதிய விவாதத்தை கிளப்பியுள்ளது.

சட்டப்பேரவை மரபுப்படி, புதிய முதல்வருக்கு எதிர்க்கட்சித் தலைவர்கள் வணக்கம் தெரிவிப்பது வழக்கமாக இருந்து வருகிறது. இந்நிலையில், இன்றைய பேரவை கூட்டத்தொடரில் முன்னாள் முதல்வர் எடப்பாடி பழனிசாமி மற்றும் உதயநிதி ஸ்டாலின் ஆகியோர், முதல்வர் விஜய்யை பார்த்தும் வணக்கம் தெரிவிக்காமல் சென்றதாக தகவல்கள் வெளியாகியுள்ளன.

இதையும் படிங்க: 10 லட்சம் கோடி கடன்! எதாச்சும் சொல்லி சமாளிக்காதீங்க முதல்வர் விஜய்யே... ஆட்சியை ஆக்கபூர்வமாக நடத்துவது எப்படின்னு பாருங்க! தங்கம் தென்னரசு காட்டம்..!!!

ஓபிஎஸ் நடத்தை கவனம் ஈர்ப்பு

அதேசமயம், முன்னாள் முதலமைச்சர் ஓ.பன்னீர்செல்வம் மட்டும் எழுந்து நின்று இருகரம் கூப்பி முதல்வர் விஜய்க்கு வணக்கம் தெரிவித்தார். அதற்கு பதிலளிக்கும் வகையில், முதல்வர் விஜய்யும் அவருக்கு மரியாதையுடன் வணக்கம் தெரிவித்தார்.

இந்த தருணம் பேரவையில் இருந்த உறுப்பினர்கள் மட்டுமின்றி, அரசியல் வட்டாரங்களிலும் கவனம் பெற்றுள்ளது. அரசியல் வேறுபாடுகள் இருந்தாலும், பேரவை நாகரிகத்தை ஓபிஎஸ் கடைபிடித்ததாக பலர் கருத்து தெரிவித்து வருகின்றனர்.

எதிர்க்கட்சிகளின் மவுனம் பேசுபொருள்

மறுபுறம், விஜய் தலைமையிலான புதிய அரசுக்கு எதிர்க்கட்சிகள் எவ்வாறு அணுகுமுறை கடைப்பிடிக்கப்போகின்றன என்ற கேள்வியும் எழுந்துள்ளது. குறிப்பாக, எடப்பாடி பழனிசாமி மற்றும் உதயநிதி ஸ்டாலின் வணக்கம் தெரிவிக்காமல் சென்றது அரசியல் ரீதியாக பல்வேறு அர்த்தங்களில் பார்க்கப்படுகிறது.

இதையடுத்து, வரும் காலங்களில் சட்டப்பேரவையில் ஆளும் தரப்புக்கும் எதிர்க்கட்சிகளுக்கும் இடையே கடுமையான விவாதங்களும் அரசியல் மோதல்களும் உருவாகும் என அரசியல் பார்வையாளர்கள் மதிப்பிடுகின்றனர்.

பேரவை அரசியலில் புதிய சமிக்ஞை

புதிய ஆட்சி அமைந்துள்ள சூழலில், பேரவையில் நடந்த இந்த சிறிய நிகழ்வே பெரிய அரசியல் சிக்னலாக மாறியுள்ளது. குறிப்பாக, எதிர்க்கட்சிகளின் அணுகுமுறையும், ஆளும் தரப்பின் பதிலும் அடுத்த கட்ட அரசியல் நகர்வுகளில் முக்கிய தாக்கத்தை ஏற்படுத்தும் என கூறப்படுகிறது.

இதையும் படிங்க: புதிய கட்சி... பழைய விசுவாசம்! சட்டப்பையில் ஜெயலலிதா புகைப்படத்துடன் பதவியேற்ற சென்ற செங்கோட்டையன்..!!!