புதிய கட்சி... பழைய விசுவாசம்! சட்டப்பையில் ஜெயலலிதா புகைப்படத்துடன் பதவியேற்ற சென்ற செங்கோட்டையன்..!!!

தமிழக அரசியல் வட்டாரத்தில் கவனம் ஈர்த்த நிகழ்வாக, முன்னாள் அமைச்சர் கே.ஏ. செங்கோட்டையன் சட்டப்பேரவை உறுப்பினராக பதவியேற்றார். பதவிப் பிரமாணம் எடுத்துக்கொண்டபோது, மறைந்த முன்னாள் முதல்வர் ஜெயலலிதாவின் புகைப்படத்தை தனது சட்டைப் பையில் வைத்திருந்தது பலரின் பார்வையையும் ஈர்த்தது.

முதல்வர் விஜய்யைத் தொடர்ந்து அமைச்சர்கள் மற்றும் எம்எல்ஏக்கள் பதவியேற்றுக்கொண்ட நிலையில், செங்கோட்டையனின் இந்த செயல் அரசியல் ரீதியாக பேசுபொருளாக மாறியுள்ளது. குறிப்பாக, அவர் தனது நீண்டகால அரசியல் விசுவாசத்தை வெளிப்படுத்தும் வகையில் இந்த நடவடிக்கையை எடுத்ததாக கூறப்படுகிறது.

இதையும் படிங்க: அதிமுக வேண்டாம்.. படம் மட்டும் எதற்கு!சூடு சொரணை இருந்தால் எம்ஜிஆர்,ஜெயலலிதா போட்டோவை நீக்கு! செங்கோட்டையனை கண்டித்து அதிமுக ஒட்டிய போஸ்டரால் பரபரப்பு!

அதிமுகவில் முக்கிய முகமாக இருந்தவர்

ஜெயலலிதாவின் நெருங்கிய ஆதரவாளர்களில் ஒருவராக அறியப்பட்ட செங்கோட்டையன், பல ஆண்டுகள் அதிமுகவில் முக்கியத் தலைவராக செயல்பட்டவர். கட்சியின் அமைப்பு மற்றும் கொங்கு மண்டல அரசியலில் வலுவான செல்வாக்கு கொண்டவராகவும் பார்க்கப்பட்டார்.

ஆனால், பின்னர் எடப்பாடி பழனிசாமியுடன் ஏற்பட்ட கருத்து வேறுபாடுகள் காரணமாக அவர் கட்சியில் இருந்து நீக்கப்பட்டார். அதன்பின் அரசியல் அமைதியில் இருந்த அவர், சமீபத்தில் விஜய் தலைமையிலான தமிழக வெற்றிக் கழகத்தில் இணைந்தார்.

புதிய கட்சி... பழைய விசுவாசம்

தற்போது வரை ஜெயலலிதா மீதான தனது மரியாதையையும் அரசியல் பற்றையும் செங்கோட்டையன் மறக்கவில்லை என்பதையே இந்த நிகழ்வு காட்டுவதாக அரசியல் பார்வையாளர்கள் கூறுகின்றனர். புதிய அரசியல் பயணத்தில் இருந்தாலும், தனது பழைய அரசியல் அடையாளத்தை அவர் வெளிப்படையாக நினைவுகூர்ந்தது சட்டப்பேரவையிலும் அரசியல் வட்டாரங்களிலும் பேசுபொருளாகியுள்ளது.

இதையும் படிங்க: விஜய் போட்ட பிளான் மொத்தமும் நடக்குது.....விஜய்க்கு விஜயபாஸ்கர் திடீர் ஆதரவு! அதிமுக வில் அடுத்தடுத்து 10 க்கு மேல்.....அதிர்ச்சியில் அல்லேலப்படும் எடப்பாடி!!!