BREAKING: திடீர் திருப்பம்.... தவெகவில் இணையவில்லை..! நேரடி சந்திப்பில் சொன்ன அந்த வார்த்தை.... பதற்றத்தில் இருந்த எடப்பாடி இப்போ செம குஷியில்..!!

தமிழக அரசியலில் கடந்த சில நாட்களாக பேசுபொருளாக இருந்த சாத்தூர் முன்னாள் எம்எல்ஏ எம்.எஸ்.ஆர். ராஜவர்மன், அதிமுக பொதுச்செயலாளர் எடப்பாடி பழனிசாமியை நேரில் சந்தித்துள்ளார். இந்த சந்திப்பு அரசியல் வட்டாரத்தில் புதிய கவனத்தை ஈர்த்துள்ள நிலையில், அவர் தவெக-வில் இணையப் போவதாக பரவிய தகவல்களுக்கு முடிவு கட்டியுள்ளதாக கூறப்படுகிறது.

ஆதரவாளர்களுடன் நடைபெற்ற இந்த சந்திப்பில், எடப்பாடி பழனிசாமியிடம் ராஜவர்மன் வாழ்த்து பெற்றதாக தகவல் வெளியாகியுள்ளது.

தேர்தலுக்குப் பிறகு ஏற்பட்ட அதிருப்தி

கடந்த சட்டமன்றத் தேர்தலில் சாத்தூர் தொகுதி கூட்டணி கட்சித் தலைவரான நயினார் நாகேந்திரனுக்கு ஒதுக்கப்பட்டது. இதையடுத்து, திருச்சுழி தொகுதியில் போட்டியிட்ட ராஜவர்மன் வெற்றி பெற முடியாமல் தோல்வியை சந்தித்தார்.

இதையும் படிங்க: BREAKING: அதிர்ச்சியில் விஜய்! தவெகவிலிருந்து விலகி திமுகவில் இணைந்த கட்சி.....அதிகாரபூர்வ அறிவிப்பால் அரசியல் வட்டாரதில் பரபரப்பு!!!

இதன் பின்னர் கட்சித் தலைமையுடன் அவருக்கு கருத்து வேறுபாடு ஏற்பட்டதாகவும், அரசியல் நடவடிக்கைகளில் சற்று ஒதுங்கியிருந்ததாகவும் கூறப்பட்டது.

தவெக இணைப்பு வதந்திக்கு முற்றுப்புள்ளி

அண்மையில் நடிகர் விஜய் தொடங்கிய தமிழக வெற்றிக் கழகம் கட்சியில் ராஜவர்மன் இணைய உள்ளார் என்ற தகவல் அரசியல் வட்டாரங்களில் பரவலாக பேசப்பட்டது. இதனால் சாத்தூர் மற்றும் விருதுநகர் மாவட்ட அரசியலில் பல்வேறு யூகங்கள் கிளம்பின.

ஆனால் தற்போது அவர் எடப்பாடி பழனிசாமியை நேரில் சந்தித்திருப்பது, அந்த தகவல்களுக்கு நேரடியான பதிலாக பார்க்கப்படுகிறது.

அதிமுகவிலேயே தொடர்வதாக உறுதி

இந்த சந்திப்பின் மூலம், தான் அதிமுகவை விட்டு வெளியேறப் போவதில்லை என்பதையும், கட்சியிலேயே தொடர்ந்து செயல்படுவேன் என்பதையும் ராஜவர்மன் மறைமுகமாக வெளிப்படுத்தியுள்ளதாக அவரது ஆதரவாளர்கள் கூறுகின்றனர்.

இதனால், அவர் தவெக-வில் இணையப் போவதாக வெளியான அரசியல் வதந்திகளுக்கு தற்போது முற்றுப்புள்ளி வைக்கப்பட்டுள்ளதாக அரசியல் நோக்கர்கள் மதிப்பிடுகின்றனர்.

இதையும் படிங்க: வதந்திகளுக்கு முற்றுபுள்ளி வைத்த சி. விஜயபாஸ்கர்! அவரே சொன்ன அந்த ஒரு வார்த்தையை பாருங்க....இனிதான் ஆட்டமே இருக்கு...!!!