பாஜக முன்னாள் அமைச்சர் எம்.எல்.ஏ குடியிருப்பின் 7 மாடியிலிருந்து விழுந்து பலி...! நடந்தது என்ன? அதிர்ச்சி வீடியோ!!!

உத்தரப் பிரதேச பாஜக மூத்த தலைவர் நானக் ராம் பூர்ஜி லக்னோவில் உள்ள எம்.எல்.ஏ. குடியிருப்பின் 7-வது மாடியில் இருந்து கீழே விழுந்து உயிரிழந்த சம்பவம் அரசியல் வட்டாரத்தில் அதிர்ச்சியை ஏற்படுத்தியுள்ளது. அவர் தவறி விழுந்தாரா அல்லது தற்கொலை செய்து கொண்டாரா என்பது குறித்து லக்னோ காவல்துறை விசாரணை நடத்தி வருகிறது.

7-வது மாடியில் இருந்து விழுந்து உயிரிழப்பு

உத்தரப் பிரதேச மாநில பாஜக பிற்படுத்தப்பட்டோர் அணியின் மாநிலப் பொதுச்செயலாளரும், முன்னாள் மாநில அமைச்சருமான 55 வயதான நானக் ராம் பூர்ஜி, லக்னோவில் உள்ள தாருல் சஃபா புதிய எம்.எல்.ஏ. குடியிருப்பின் 7-வது மாடியில் இருந்து கீழே விழுந்தார். தகவல் கிடைத்ததும் ஹஸ்ரத்கஞ்ச் காவல்துறையினர் சம்பவ இடத்துக்குச் சென்று, படுகாயமடைந்த அவரை உடனடியாக சிவில் மருத்துவமனைக்கு கொண்டு சென்றனர்.

இதையும் படிங்க: தேர்தல் தோல்வியைத் தாங்க முடியல... திமுக வட்ட செயலாளர் ஏசுதாஸ் எடுத்த விபரீத முடிவு! நெஞ்சை உலுக்கும் சம்பவம்..!!!

மருத்துவமனையில் உயிரிழந்ததாக அறிவிப்பு

மருத்துவமனையில் பரிசோதித்த மருத்துவர்கள், நானக் ராம் பூர்ஜி ஏற்கனவே உயிரிழந்துவிட்டதாக தெரிவித்தனர். இதையடுத்து அவரது உடலை காவல்துறையினர் மீட்டு உடற்கூறாய்வுக்காக அனுப்பி வைத்தனர். அவரது குடும்பத்தினருக்கும் சம்பவம் குறித்து தகவல் தெரிவிக்கப்பட்டுள்ளது.

மன அழுத்தம் குறித்து முதற்கட்ட தகவல்

இது விபத்தா அல்லது தற்கொலையா என்பதை உறுதிப்படுத்தும் வகையில் போலீசார் பல்வேறு கோணங்களில் விசாரணை நடத்தி வருகின்றனர். முதற்கட்ட விசாரணையில், கடந்த சில நாட்களாக அவர் கடுமையான மன அழுத்தத்தில் இருந்ததாக அப்பகுதியைச் சேர்ந்தவர்கள் தெரிவித்துள்ளதாக போலீசார் கூறியுள்ளனர். உடற்கூறாய்வு அறிக்கை மற்றும் விசாரணை முடிவுகளின் அடிப்படையில் அடுத்தகட்ட நடவடிக்கைகள் மேற்கொள்ளப்படும் என அதிகாரிகள் தெரிவித்துள்ளனர்.

लखनऊ: BJP नेता नानकदीन भुर्जी की सातवीं मंजिल से गिरकर मौत।
नए विधायक निवास से नीचे गिरने के बाद BJP नेता नानकदीन भुर्जी की मौत।
स्थानीय लोगों ने घायल अवस्था में सिविल अस्पताल पहुंचाया, रास्ते में हुई मौत।
BJP पिछड़ा वर्ग प्रकोष्ठ के पदाधिकारी बताए जा रहे नानकदीन भुर्जी।
लालबाग… pic.twitter.com/va8BCRLqAz

— Roshan Kumar Journalist (@cameraman_r) July 28, 2026

இதையும் படிங்க: தாய்வழி பாட்டி வீட்டிற்கு சென்று வந்த அடுத்த நாளே.... கிணற்றில் மிதந்த 16 வயது சிறுமியின் உடல்! அங்கு நடந்தது என்ன.? பகீர் வீடியோ...!!!