தேர்தலில் விலகி நிற்போம் என சொல்லும் ஸ்டாலின்! முடியவே முடியாது என மறுத்த உதயநிதி..... அறிவாலயத்தில் தொடரும் அதிரடி ஆலோசனை...!!!

மதுராந்தகம், தாராபுரம் ஆகிய சட்டமன்றத் தொகுதிகளுக்கு இடைத்தேர்தல் அறிவிக்கப்பட்டுள்ள நிலையில், திமுகவின் அடுத்தகட்ட வியூகம் குறித்து அரசியல் வட்டாரங்களில் பரபரப்பு ஏற்பட்டுள்ளது. தேர்தலில் போட்டியிடாமல் விலகி நிற்பது குறித்து திமுக தலைமை ஆலோசித்து வருவதாக தகவல் வெளியாகியுள்ளது. அதேநேரம், தேர்தல் களத்தில் திமுக நேரடியாக இறங்க வேண்டும் என்ற கருத்தும் கட்சிக்குள் வலுப்பெற்றுள்ளதாக கூறப்படுகிறது.

மும்முனைப் போட்டி உருவானால் பாதிப்பு?

மதுராந்தகம், தாராபுரம் தொகுதிகளில் திமுக களமிறங்கினால் மும்முனைப் போட்டி உருவாகும். இதனால் ஆளும் தரப்பான தமிழக வெற்றிக் கழகத்துக்கு சாதகமான சூழல் உருவாக வாய்ப்புள்ளதாக மு.க.ஸ்டாலின் கருதுவதாக அரசியல் வட்டாரங்கள் தெரிவிக்கின்றன. இதன் காரணமாக, அதிமுகவுக்கு வழிவிட்டு திமுக விலகி நிற்பதே தேர்தல் கணக்கில் சாதகமாக இருக்கும் என்ற கருத்தை மூத்த நிர்வாகிகளிடம் அவர் வலியுறுத்தி வருவதாக கூறப்படுகிறது.

இதையும் படிங்க: இடைத்தேர்தலில் திமுகவுக்கு செக் வைக்கும் எடப்பாடி! தலைகீழாக மாறப்போகும் தமிழக அரசியல் களம்....!!!

போட்டியிட வேண்டும் என உதயநிதி வலியுறுத்தல்

ஆனால், தேர்தல் களத்தில் இருந்து திமுக ஒதுங்குவது கட்சித் தொண்டர்களிடையே தவறான செய்தியை ஏற்படுத்தக்கூடும் என்பதே உதயநிதி ஸ்டாலினின் நிலைப்பாடாக கூறப்படுகிறது. குறிப்பாக, ஆளும் கட்சியை எதிர்த்து திமுக நேரடியாக களமிறங்காமல் இருப்பது அரசியல் ரீதியாக பலவீனமான பிம்பத்தை ஏற்படுத்தும் என அவர் கருதுவதாக தகவல் வெளியாகியுள்ளது. எனவே, இடைத்தேர்தலில் திமுக போட்டியிட வேண்டும் என்பதில் அவர் உறுதியாக இருப்பதாக கூறப்படுகிறது.

அறிவாலயத்தில் தொடரும் ஆலோசனை

இதனால், திமுக தலைவர் மு.க.ஸ்டாலினின் தேர்தல் வியூகத்துக்கும், உதயநிதி ஸ்டாலின் முன்வைக்கும் போட்டியிடும் முடிவுக்கும் இடையே கருத்து வேறுபாடு ஏற்பட்டுள்ளதாக அரசியல் வட்டாரங்களில் பேசப்படுகிறது. திமுக இடைத்தேர்தல் தொடர்பான இறுதி முடிவு எப்போது வெளியாகும் என்ற எதிர்பார்ப்பு கட்சியினர் மத்தியில் நிலவி வருகிறது. மதுராந்தகம், தாராபுரம் தொகுதிகளில் கட்சியின் நிலைப்பாடு குறித்து அறிவாலயத்தில் தொடர்ந்து ஆலோசனைகள் நடைபெற்று வருவதாக தகவல்கள் தெரிவிக்கின்றன. இடைத்தேர்தல் களத்தில் திமுகவின் முடிவு, அடுத்தகட்ட அரசியல் நகர்வுகளிலும் தாக்கத்தை ஏற்படுத்தக்கூடும் என எதிர்பார்க்கப்படுகிறது.

இதையும் படிங்க: பரபரப்பு! கண்டனம் தெரிவித்து திமுக-வினர் வெளிநடப்பு... செய்தியாளர்கள் முன் சட்டப்பேரவையில் நடந்ததை உடைத்துப் பேசிய கே.என்.நேரு...!!!