திடீர் பல்டி... ராஜினாமா வேண்டாம்...! அம்பாசமுத்திரம் MLA விவகாரத்தில் உயர்நீதிமன்றம் காட்டிய அதிரடி...!!!

அம்பாசமுத்திரம் தொகுதி முன்னாள் எம்.எல்.ஏ இசக்கி சுப்பையாவின் ராஜினாமாவை திரும்பப் பெறக் கோரிய மனுவை சென்னை உயர் நீதிமன்றம் தள்ளுபடி செய்துள்ளது. தொகுதிக்கு தற்போது பிரதிநிதி இல்லாததால் மக்கள் பாதிக்கப்படுவதாக அவர் மனுவில் தெரிவித்திருந்தார். இடைத்தேர்தல் தொடர்பான வழக்கு முடியும் வரை தன்னை மீண்டும் எம்.எல்.ஏ.வாக பணியாற்ற அனுமதிக்க வேண்டும் என்றும் கோரியிருந்தார்.

ராஜினாமாவை திரும்பப் பெற கோரிய இசக்கி சுப்பையா

அம்பாசமுத்திரம் தொகுதியின் முன்னாள் எம்.எல்.ஏ இசக்கி சுப்பையா, தனது ராஜினாமா கடிதத்தை திரும்பப் பெற அனுமதிக்கக் கோரி சென்னை உயர் நீதிமன்றத்தில் மனு தாக்கல் செய்திருந்தார். தொகுதிக்கு தேர்ந்தெடுக்கப்பட்ட பிரதிநிதி இல்லாத நிலையில், பொதுமக்கள் பல்வேறு பிரச்சினைகளை எதிர்கொள்வதாகவும் அவர் குறிப்பிட்டிருந்தார்.

இதையும் படிங்க: அவையில் நடந்த அரசியல் மோதல்! உங்க அப்பாகிட்ட கேட்டுப்பாருங்க... நான் பழைய கதையை சொல்ல ஆரம்பித்தால் உங்களுக்கு நல்லதல்ல...! அதிரடி எச்சரிக்கை விடுத்த ஆதவ் அர்ஜூனா..!!!

மேலும், இடைத்தேர்தல் தொடர்பான வழக்கு முடிவுக்கு வரும் வரை தன்னை எம்.எல்.ஏ.வாக பணியாற்ற அனுமதிக்க வேண்டும் என சபாநாயகரிடம் கடிதம் எழுதியுள்ளதாகவும் மனுவில் தெரிவித்திருந்தார்.

நீதிமன்றம் தலையிட முடியாது என உத்தரவு

இசக்கி சுப்பையாவின் கோரிக்கையை ஏற்க உயர் நீதிமன்றம் மறுத்துவிட்டது. சட்டப்பேரவை விதிமுறைகள் மற்றும் நடைமுறைகளுக்கு உட்பட்ட ராஜினாமா விவகாரத்தில் நீதிமன்றம் தலையிட முடியாது என தெரிவித்த நீதிபதிகள், அவரது மனுவை தள்ளுபடி செய்து உத்தரவிட்டனர்.

இதனால், ராஜினாமாவை திரும்பப் பெற்று மீண்டும் தொகுதி எம்.எல்.ஏ.வாக செயல்பட வேண்டும் என்ற அவரது கோரிக்கைக்கு தற்போது நீதிமன்ற வழியாக அனுமதி கிடைக்கவில்லை. உயர் நீதிமன்ற தீர்ப்பு அம்பாசமுத்திரம் தொகுதியின் பிரதிநிதித்துவம் தொடர்பான விவகாரத்தில் முக்கியத்துவம் பெற்றுள்ளது.

இதையும் படிங்க: அப்படியே ஓப்பனாக சொல்லிட்டாரு... பாட்டு பாடி அசத்திய தவெக பெண் எம்எல்ஏ.... ரசித்து கேட்ட CM விஜய்! வைரல் வீடியோ..!!!