மூன்று மணிநேர மனப்போராட்டம்! ஒருபுறம் நீட் தேர்வு... மறுபுறம் நேபாள வெள்ளத்தில் பெற்றோர்.... நெஞ்சை உருக்கும் கண்ணீர் போராட்டம்...!!!

மருத்துவராக வேண்டும் என்ற கனவுடன் பல ஆண்டுகளாக தயாராகி வந்த தன்விக்கு ஆகஸ்ட் 30-ம் தேதி மறக்க முடியாத நாளாக மாறியது. நீட் முதுநிலை தேர்வை எழுத தேர்வு மையத்துக்குச் சென்ற அவர், மனதில் பெரும் கவலையுடன் இருந்தார். நேபாளத்தில் ஏற்பட்ட பெருவெள்ளத்தில் சிக்கியிருந்த பெற்றோரை தொடர்புகொள்ள முடியாத நிலையிலும், தன்வி தேர்வை எழுதினார்.

நேபாள வெள்ளத்தில் சிக்கிய 67 பேர் குழு

தன்வியின் பெற்றோர் 67 பேர் கொண்ட கைலாஷ் யாத்திரை குழுவுடன் பயணம் செய்துகொண்டிருந்தனர். அப்போது நேபாளத்தில் ஏற்பட்ட திடீர் பெருவெள்ளத்தில் அந்த குழு சிக்கிக்கொண்டது. இதையடுத்து பெற்றோரை தொடர்புகொள்ள தன்வி பலமுறை முயன்றும் முடியவில்லை.

இதையும் படிங்க: நேபாளத்தை உலுக்கிய பனிப்பாறை முறிவு! பயங்கர எச்சரிக்கையில் சிக்கிம்... ஆபத்தான 16 ஏரிகளில் நவீன சென்சார்கள்!!! இமயமலைப் பேரழிவின் பின்னணி..!!!

மனக்கவலையுடன் தேர்வு மையத்துக்குச் சென்ற தன்வி

ஒருபுறம் பல ஆண்டுகளாக காத்திருந்த NEET PG தேர்வு. மறுபுறம் பெற்றோரின் நிலை என்னவென்று தெரியாத பதற்றம். இந்த சூழ்நிலையில், ஆகஸ்ட் 30-ம் தேதி தன்வி தேர்வு மையத்துக்குச் சென்றார். மூன்று மணி நேரம் நடைபெறும் தேர்வில் தனது முழுத் திறமையையும் வெளிப்படுத்த வேண்டும் என்ற எண்ணத்துடன் அவர் கேள்வித்தாளை எதிர்கொண்டார்.

மூன்று மணி நேர மனப்போராட்டம்

தேர்வு முடிந்த பிறகு, அந்த மூன்று மணி நேரத்தில் தனக்கு ஏற்பட்ட மனநிலையை தன்வி இன்ஸ்டாகிராமில் பகிர்ந்த வீடியோவில் வெளிப்படையாகப் பேசியுள்ளார். பெற்றோரைப் பற்றிய கவலை ஒருபுறம் இருந்தாலும், மருத்துவராக வேண்டும் என்ற தனது கனவுக்காக தேர்வை எழுத வேண்டிய கட்டாயத்தில் இருந்ததாக அவர் தெரிவித்துள்ளார். கைலாஷ் யாத்திரை குழுவுடன் சென்ற பெற்றோரின் நிலை குறித்த தகவலுக்காக அவர் தொடர்ந்து காத்திருந்ததாகவும் கூறியுள்ளார்.

இதையும் படிங்க: வெள்ளத்துக்கு நடுவே குடும்பத்தைக் காப்பாற்ற ஓடிய வாலிபர்! திக் திக் காட்சி..!!!