அதிருப்தியிலேயே அதிமுக அல்லேலப்படுது.... தவெக விற்கு தாவிய கந்தர்வகோட்டை முன்னால் எம்.எல். ஏ...! அதிர்ச்சியில் எடப்பாடி..!!!

தமிழக அரசியலில் கட்சி மாறுதல் நடவடிக்கைகள் தொடர்ந்து கவனம் பெற்று வரும் நிலையில், கந்தர்வகோட்டை தொகுதியின் முன்னாள் அதிமுக சட்டமன்ற உறுப்பினர் நார்த்தாமலை ஆறுமுகம் தமிழக வெற்றிக் கழகத்தில் இணைந்துள்ளார். இந்த இணைவு, அதிமுக வட்டாரங்களில் புதிய அரசியல் விவாதங்களை ஏற்படுத்தியுள்ளது.

தவெக சட்டமன்ற உறுப்பினர் சுப்பிரமணி முன்னிலையில் நடைபெற்ற நிகழ்ச்சியில், நார்த்தாமலை ஆறுமுகம் கட்சியில் இணைந்தார். அவருக்கு கட்சி நிர்வாகிகள் வரவேற்பு அளித்ததாக தகவல் வெளியாகியுள்ளது.

இதையும் படிங்க: அடுத்தடுத்து அதிரடி சம்பவம் செய்யும் செங்கோட்டையன்! 100 க்கும் மேற்பட்ட நிர்வாகிகள் தவெகவில் இணைவு! எல்லையற்ற மகிழ்ச்சியில் விஜய்!

அதிமுகவில் தொடரும் அதிருப்தி

கடந்த தேர்தலுக்குப் பிறகு அதிமுகவில் ஏற்பட்டுவரும் உட்கட்சிப் பிரச்சினைகள் மற்றும் தலைமை மீதான அதிருப்தி காரணமாக, பல்வேறு நிலைகளில் இருந்த நிர்வாகிகள் மாற்று அரசியல் வாய்ப்புகளை தேடி வருவதாக கூறப்படுகிறது. இதனால் சிலர் பிற கட்சிகளில் இணையும் நடவடிக்கைகளிலும் ஈடுபட்டு வருகின்றனர்.

குறிப்பாக, சமீப மாதங்களில் அதிமுகவைச் சேர்ந்த முன்னாள் நிர்வாகிகள் மற்றும் முக்கிய பொறுப்பாளர்கள் தவெக மற்றும் திமுக உள்ளிட்ட கட்சிகளில் இணைந்து வருவது அரசியல் வட்டாரங்களில் பேசுபொருளாகியுள்ளது.

மேலும் இணைவுகள் வருமா?

அதிமுகவிலிருந்து மேலும் பல முக்கிய நிர்வாகிகள் விரைவில் தமிழக வெற்றிக் கழகத்தில் இணையக்கூடும் என முன்னாள் அமைச்சர் வெல்லமண்டி நடராஜன் அண்மையில் தெரிவித்திருந்தார். அவரது இந்த கருத்துக்கு பிறகு, நார்த்தாமலை ஆறுமுகத்தின் இணைவு அரசியல் முக்கியத்துவம் வாய்ந்ததாக பார்க்கப்படுகிறது.

வரவிருக்கும் தேர்தல் அரசியலை கருத்தில் கொண்டு, பல்வேறு கட்சிகள் தங்களது அமைப்பை வலுப்படுத்தும் பணிகளில் தீவிரம் காட்டி வரும் நிலையில், இந்த இணைவு அடுத்தகட்ட அரசியல் நகர்வுகளுக்கு வழிவகுக்குமா என்ற எதிர்பார்ப்பு எழுந்துள்ளது.

இதையும் படிங்க: கூட்டம் கூட்டம்மா தவெகவில் இணைந்து கும்மாளம் போடுறாங்களே....விஜய்யின் தவெக கட்சிக்கு குவியும் ஆதரவு! கடுப்பில் எடப்பாடி...!!!