கூட்டம் கூட்டம்மா தவெகவில் இணைந்து கும்மாளம் போடுறாங்களே....விஜய்யின் தவெக கட்சிக்கு குவியும் ஆதரவு! கடுப்பில் எடப்பாடி...!!!

தமிழக அரசியலில் அடுத்தடுத்த கட்சி மாற்றங்கள் பரபரப்பை ஏற்படுத்தி வரும் நிலையில், அதிமுகவைச் சேர்ந்த முக்கிய நிர்வாகிகள் மற்றும் ஆதரவாளர்கள் தமிழக வெற்றிக் கழகத்தில் இணைந்துள்ளனர். குறிப்பாக அம்பாசமுத்திரம் தொகுதி எம்.எல்.ஏ இசக்கி சுப்பையாவின் திடீர் முடிவு அரசியல் வட்டாரத்தில் கவனத்தை ஈர்த்துள்ளது.

சென்னை பனையூரில் உள்ள தவெக அலுவலகத்தில் நடைபெற்ற நிகழ்ச்சியில், கட்சியின் பொதுச்செயலாளர் என். ஆனந்த் மற்றும் அமைச்சர் செங்கோட்டையன் முன்னிலையில் இந்த இணைவு நடைபெற்றது. இதில் பல முன்னாள் அதிமுக நிர்வாகிகளும் கலந்து கொண்டனர்.

இதையும் படிங்க: அதிமுகவில் அதிர்ச்சி மேல் அதிர்ச்சி! திடீரென ராஜினாமா செய்த 3 எம்.எல்.ஏக்கள்.... செம ஷாக்கில் இபிஎஸ்.!!!

எம்.எல்.ஏ பதவியை ராஜினாமா செய்த இசக்கி சுப்பையா

அதிமுகவின் அம்பாசமுத்திரம் சட்டமன்ற உறுப்பினரான இசக்கி சுப்பையா, தனது எம்.எல்.ஏ பதவியை ராஜினாமா செய்துவிட்டு தவெகவில் இணைந்துள்ளார். அவரது இந்த முடிவு அதிமுக வட்டாரத்தில் அதிர்வலைகளை ஏற்படுத்தியுள்ளது.

அவருடன் சேர்ந்து, அதிமுக செய்தி தொடர்பாளர் அதி வீரபாண்டியனும் கட்சியிலிருந்து விலகி தவெகவில் இணைந்தார். மேலும், 150-க்கும் மேற்பட்ட ஆதரவாளர்களும் புதிய கட்சியில் இணைந்ததாக தெரிவிக்கப்பட்டுள்ளது.

மீசை ராஜேந்திரனின் புதிய அரசியல் பயணம்

நடிகர் மீசை ராஜேந்திரன், கடந்த தேர்தல் காலத்தில் தேமுதிகவில் வாய்ப்பு கிடைக்காததால் அதிமுகவில் இணைந்து செயல்பட்டார். தற்போது அங்கிருந்தும் விலகி தமிழக வெற்றிக் கழகத்தில் தனது அரசியல் பயணத்தை தொடர்கிறார்.

தகவலின்படி, சமீப காலமாக அதிமுகவில் நிலவி வரும் உள்கட்சி குழப்பங்கள் மற்றும் அணிச் சலசலப்புகள் காரணமாக பல நிர்வாகிகள் மாற்று அரசியல் பாதையைத் தேர்வு செய்து வருவதாக கூறப்படுகிறது. இந்த புதிய இணைவுகள் தமிழக அரசியல் களத்தில் மேலும் பரபரப்பை ஏற்படுத்தியுள்ளன.

இதையும் படிங்க: BREAKING: விலகின கையோடு தவெகவில் இணைந்த இசக்கி சுப்பையா! ராஜினாமாவுக்கு அளித்த அதிரடி விளக்கம்... செம ஷாக்கில் எடப்பாடி..!!!