#BREAKING: முடிவுக்கு வந்த க்ளைமாக்ஸ்! சி.வி. சண்முகம் ஆதரவாளர்கள் 500 க்கும் மேற்பட்டோர் ராஜினாமா... தலைமை அலுவலகத்தில் பரபரப்பு!!,

விழுப்புரம் மாவட்ட அதிமுகவில் நீண்ட நாட்களாக நீடித்து வந்த உட்கட்சி மோதல் தற்போது புதிய திருப்பத்தை எட்டியுள்ளது. முன்னாள் அமைச்சர் சி.வி. சண்முகத்தின் ஆதரவாளர்களாகக் கருதப்படும் 500-க்கும் மேற்பட்ட நிர்வாகிகள் பதவிகளில் இருந்து விலக முடிவு செய்துள்ளதாக வெளியாகியுள்ள தகவல், அரசியல் வட்டாரத்தில் பெரும் கவனத்தை ஈர்த்துள்ளது.

நிர்வாக மாற்றத்தால் தீவிரமான மோதல்

மாவட்டச் செயலாளர் பொறுப்பிலிருந்து சி.வி. சண்முகம் நீக்கப்பட்டு, அவருக்குப் பதிலாக பசுபதி நியமிக்கப்பட்டதையடுத்து இரு தரப்பினருக்கும் இடையேயான கருத்து வேறுபாடு தீவிரமடைந்ததாக கூறப்படுகிறது. இதன் தொடர்ச்சியாக, அதிமுக பொதுச்செயலாளர் எடப்பாடி பழனிசாமி நடவடிக்கை எடுத்து, சி.வி. சண்முகத்தின் ஆதரவாளர்களாகக் கருதப்படும் மாவட்ட இளைஞர் மற்றும் இளம்பெண்கள் பாசறை செயலாளர் ஜெயப்பிரகாஷ், மாவட்ட பொருளாளர் வெங்கடேசன், இணைச்செயலாளர் ஆனந்தி உள்ளிட்ட 11 பேரை கட்சியின் அடிப்படை உறுப்பினர் உள்ளிட்ட அனைத்து பொறுப்புகளிலிருந்தும் நீக்கினார்.

இதையும் படிங்க: BREAKING: சற்று முன்..... அதிமுக வின் முக்கிய புள்ளியை அனைத்து பொறுப்புகளிலிருந்தும் அதிரடியாக நீக்கிய எடப்பாடி! அரசியலில் பெரும் பரபரப்பு!!!

இனிப்பு வழங்கி எதிர்வினை

நீக்க அறிவிப்பு வெளியான சில மணி நேரங்களிலேயே, சம்பந்தப்பட்ட நிர்வாகிகள் திண்டிவனத்தில் ஒன்று கூடி, “எங்களை நீக்கியதற்கு நன்றி” என்று கூறி பொதுமக்களுக்கு இனிப்பு வழங்கினர். இந்த நிகழ்வு அரசியல் வட்டாரத்தில் பரபரப்பை ஏற்படுத்தியதுடன், மாவட்டத்தில் நிலவும் உட்கட்சி மோதலை மேலும் வெளிச்சத்துக்கு கொண்டு வந்துள்ளது.

500-க்கும் மேற்பட்டோர் சென்னைக்கு புறப்பாடு

இதற்கிடையில், சி.வி. சண்முகத்தின் ஆதரவாளர்களாகக் கூறப்படும் 500-க்கும் மேற்பட்ட நிர்வாகிகள் தங்களது பதவிகளை கூண்டோடு ராஜினாமா செய்ய முடிவு செய்துள்ளதாக தகவல்கள் தெரிவிக்கின்றன. இதற்காக, அவர்கள் அனைவரும் சென்னையில் உள்ள அதிமுக தலைமை அலுவலகத்தில் நேரில் சென்று விலகல் கடிதங்களை வழங்க திட்டமிட்டுள்ளதாக கூறப்படுகிறது. இதையடுத்து எந்தவித அசம்பாவிதமும் ஏற்படாத வகையில் தலைமை அலுவலகத்தில் பலத்த போலீஸ் பாதுகாப்பு ஏற்பாடு செய்யப்பட்டு, நிலைமை தீவிரமாக கண்காணிக்கப்பட்டு வருகிறது.

இதையும் படிங்க: அனைத்து பொறுப்பிலிருந்தும் விலகுவதாக அதிகாரப்பூர்வமாக அறிவித்த அதிமுகவின் முக்கிய புள்ளி! செம ஷாக்கில் எடப்பாடி..!!!