எடப்பாடி பதவிக்கு ஆபத்தா.? "எதிர்க்கட்சி அந்தஸ்தும் காலி.." அதிமுகவில் மீண்டும் வெடிக்கும் உட்கட்சி பூசல்.?! 

2026 ஆம் ஆண்டு நடைபெற்ற சட்டப்பேரவைத் தேர்தல் முடிவுகள், அதிமுகக்கு பெரும் பின்னடைவை ஏற்படுத்தியுள்ளது. அதிமுக வரலாறு காணாத அளவிற்கு தனது வாக்கு வங்கியை இழந்துள்ளது என்றால் அது மிகையாகாது. எதிர்க்கட்சி அந்தஸ்தை கூட பெற முடியாத அளவிற்கு ஏற்பட்ட இந்த தோல்வி, கட்சியின் அடித்தளத்தையே அதிரவைத்துள்ளது.

இந்த எதிர்பாராத தோல்வி, கட்சியின் இரண்டாம் கட்ட தலைவர்களிடையே கடும் அதிருப்தியை ஏற்படுத்தியுள்ளது. புதியதாக உருவெடுத்த த.வெ.க, 108 தொகுதிகளில் வெற்றி பெற்று தனிப்பெரும் சக்தியாக உயர்ந்துள்ளது. இதன் மூலம் தமிழக அரசியல் நிலைப்பாடு புதிய திருப்பத்தை எட்டியுள்ளது.

அதிமுக பல ஆண்டுகளாக கட்டியெழுப்பிய கோட்டைகள் பல இடங்களில் முறியடிக்கப்பட்டுள்ளன. இதனால், எடப்பாடி பழனிசாமி தலைமையின் மீது கட்சியினரிடையே சந்தேகங்கள் எழத் தொடங்கியுள்ளதாம்.

இதையும் படிங்க: அடுத்தடுத்து அதிரடி சம்பவம் செய்யும் செங்கோட்டையன்! 100 க்கும் மேற்பட்ட நிர்வாகிகள் தவெகவில் இணைவு! எல்லையற்ற மகிழ்ச்சியில் விஜய்!

தேர்தல் வியூகங்களில் ஏற்பட்ட பிழைகள் மற்றும் கூட்டணி கணக்கீடுகள் தவறியதே இந்த தோல்விக்கு முக்கிய காரணம் என உள்கட்டமைப்பில் ரகசிய ஆலோசனைகள் நடைபெற்று வருகின்றனவாம்.

பாஜக மற்றும் பாமக போன்ற கட்சிகளுடன் கூட்டணி அமைத்திருந்த போதிலும், விஜயை மையமாகக் கொண்ட அரசியல் அலை அதிமுகவுக்கு பெரும் பாதிப்பை ஏற்படுத்தியதாகவே கூறப்படுகிறது. இதனால் தலைமைத்திறன் குறித்த கேள்விகள் கட்சியினருக்கு மேலும் வலுப்பெற்றுள்ளதாக கூறப்படுகிறது. இதனால், ஏற்கனவே கட்சிக்குள் இருந்த உட்கட்சி முரண்பாடுகள் மீண்டும் தலைதூக்கும் சூழல் உருவாகியுள்ளதாம். 

தலைமை மாற்றம் குறித்த பேச்சுகளும் தீவிரமடைந்து வருகின்றனவாம். பாரம்பரிய அடையாளம் கொண்ட அதிமுக இவ்வாறு பின்னடைவை சந்தித்திருப்பது, அதன் தொண்டர்களிடையே பெரும் சோகத்தையும் கவலையையும் ஏற்படுத்தியுள்ளது. அடுத்த கட்டத்தில் கட்சி எவ்வாறு தன்னை மீட்டெடுக்கும் என்பது அரசியல் வட்டாரங்களில் கேள்விக்குறியாகியுள்ளது.

இதையும் படிங்க: முக்கிய புள்ளியால் திடீர் ட்விஸ்ட்..... எடப்பாடி முன்னிலையில் 500 ஆதரவாளர்களுடன் அதிமுகவில் இணைவு! அதிர்ச்சியில் அல்லேலப்படும் திமுக!!!