கோடைக்காலத்தில் தினமும் வெந்நீர் குடிப்பது பாதுகாப்பானதா? 

Health Tips: உடல் தன்மை, காலநிலை, செரிமானநிலை ஆகியவற்றை கருத்தில் கொள்ளாமல் வெந்நீர் குடிப்பது உடல்நல பிரச்சனைகளை அதிகரிக்கும். 

நன்மை அளிக்காது:

Summer Warm Water Tips: கோடைக்காலம் தொடங்கும் நிலையில், தினமும் வெறும் வயிற்றில் வெந்நீர் குடிக்கும் பழக்கம் அனைவருக்கும் ஏற்றதா? என்ற கேள்வி எழுகிறது. பலர் உடலின் செயல்முறைகளைப் புரிந்து கொள்ளாமல் மூலிகை அல்லது மசாலா கலந்த தண்ணீரை பருகுகின்றனர். ஆயுர்வேதத்தின் படி, இது ஒரு தவறான அணுகுமுறை எனக் கருதப்படுகிறது. ஆயுர்வேதம் அல்லது அலோபதி எந்த மருத்துவ முறையாக இருந்தாலும், தனிநபரின் உடல் அமைப்பு, எடை, உடல்நிலை ஆகியவற்றை கருத்தில் கொண்டு மட்டுமே வீட்டு வைத்தியங்களைப் பின்பற்ற வேண்டும். குளிர்காலத்தில் வழக்கமான இந்த வெந்நீர் பழக்கம், கோடைக்காலத்தில் அனைவருக்கும் ஒரே மாதிரியாக நன்மை அளிக்காது.

இதையும் படிங்க: எக்கச்சக்க நன்மைகளை தரும் நெல்லிக்காய்! ஆனால் இவர்கள் மட்டும் இதை சாப்பிடக் கூடாது! யாரெல்லாம் தெரியுமா?

பிரச்சனைகள்:

அதிகாலை நேரத்தில் வெதுவெதுப்பான நீரை அருந்துவது உடலின் 'அக்னி' சக்தியை தூண்டி, செரிமானத்தை மேம்படுத்துவதோடு நச்சுக்களை வெளியேற்ற உதவுகிறது. கோடைக்காலத்தில் 'பித்தம்' அதிகரிக்கும் சூழலில், அதிகமாக வெந்நீர் குடிப்பது உடல் வெப்பத்தை மேலும் உயர்த்தி, அமிலத்தன்மை, நெஞ்செரிச்சல், வாய் புண்கள் போன்ற பிரச்சனைகளை உருவாக்கக்கூடும்.

தீவிர சிக்கல்:

மேலும், பித்தத்தன்மை கொண்டவர்களுக்கு வெந்நீர் வழக்கமாக அருந்துவது பொருத்தமானதல்ல. அதிக சூடான நீர், செரிமான அமைப்பின் இயல்பை பாதிக்கக்கூடும். வாய் மற்றும் குடலில் உள்ள நன்மை பயக்கும் பாக்டீரியாக்களின் சமநிலையை இது சீர்குலைக்க வாய்ப்பு உள்ளது. இரைப்பை புண், குடல் புண் அல்லது அமில ரிஃப்ளக்ஸ் பிரச்சனைகள் உள்ளவர்கள் அதிக வெந்நீர் அருந்தினால், உணவுக்குழாயில் எரிச்சல், வயிற்றுப்பகுதியில் சேதம் போன்ற சிக்கல்கள் தீவிரமாகும்.

கவனம் தேவை:

கோடைக்காலத்தில் வெந்நீர் குடிக்கும் பழக்கத்தைத் தொடர விரும்புபவர்கள் சில முன்னெச்சரிக்கைகளை கடைப்பிடிக்க வேண்டும். தினசரி அருந்துவதற்குப் பதிலாக, ஒரு நாள் இடைவெளியுடன் வெதுவெதுப்பான நீரை எடுத்துக்கொள்ளலாம். தனிநபரின் உடல் தன்மை, தற்போதைய உடல்நல நிலை மற்றும் காலநிலையை கருத்தில் கொண்டு பழக்கங்களை மாற்றிக் கொள்வது அவசியம். உடல் தரும் அறிகுறிகளை கவனித்து, மருத்துவ நிபுணரின் ஆலோசனையுடன் நடைமுறைகளை பின்பற்றுவது பாதுகாப்பானது.

இதையும் படிங்க: இரவில் கட்டாயம் தவிர்க்க வேண்டிய உணவுகள் என்னென்ன? தெரிஞ்சிக்கோங்க மக்களே.!