மழைக்கு இதமாக சூடான, சுவையான மரவள்ளிக்கிழங்கு பொடிமாஸ்.. டக்குனு செய்யலாம்.. ரெசிபி இதோ..!

நம்மில் பலருக்கு உருளைக்கிழங்கு பொரியல், கிரேவி என்றால் மிகவும் பிடிக்கும். அதே சுவையில் மரவள்ளிக்கிழங்கு பொடிமாஸ் எப்படி செய்வது என்று இந்த பதிவில் காண்போம்.

தேவையானப் பொருட்கள் :

நல்லெண்ணெய் - 2 தேக்கரண்டி

கடுகு - 1 தேக்கரண்டி 

வெள்ளை உளுந்து - 1 தேக்கரண்டி

கடலை பருப்பு - 1/2 தேக்கரண்டி 

சின்ன வெங்காயம் - 10 ( பொடியாக நறுக்கியது )

பச்சை மிளகாய் - 2 ( குறுக்கே நறுக்கியது )

மஞ்சள் தூள் - 1/2 தேக்கரண்டி 

உப்பு - தேவையான அளவு 

பூண்டு - 5 பல் 

இஞ்சி விழுது - 1/4 தேக்கரண்டி 

காய்ந்த மிளகாய் பொடி - 1/4 தேக்கரண்டி

மரவள்ளிக்கிழங்கு - 1 கப் ( நறுக்கியது )

தேங்காய் துருவல் - 2 தேக்கரண்டி

கருவேப்பிலை - 2 கொத்து 

செய்முறை :

முதலில் அடுப்பைப் பற்ற வைத்து குக்கரை வைக்கவும். அதில் 1 கப் மரவள்ளிக்கிழங்கு, சிறிது உப்பு மற்றும் 1/4 தேக்கரண்டி மஞ்சள் தூள், தண்ணீர் சேர்த்து 2 விசில் விட்டு வேக வைத்து தனியாக வைத்துக் கொள்ளவும்.

இதையும் படிங்க: குழந்தையின் ஞாபக சக்தியை அதிகரிக்க.. புத்திசாலியாக மாற இதை செய்யுங்கள்.!

பின்பு, ஒரு கடாயில் 2 தேக்கரண்டி நல்லெண்ணெய் சேர்த்து காய்ந்ததும் மேலே கொடுக்கப்பட்ட அளவுகளின் படி கடுகு, வெள்ளை உளுந்து, கடலை பருப்பு, கருவேப்பிலை சேர்த்து பொரிந்ததும் பச்சை மிளகாய், வெங்காயம், தட்டிய பூண்டு, இஞ்சி விழுது சேர்த்து வதக்கவும். பின்பு, அதில் 1/4 தேக்கரண்டி மஞ்சள் தூள், காய்ந்த மிளகாய் பொடி 1/4 தேக்கரண்டி, உப்பு தேவையான அளவு சேர்த்து வதக்கவும். பின்பு, அதில் வேக வைத்த மரவள்ளிக்கிழங்கை சேர்த்து நன்றாக கிளற வேண்டும். இறுதியாக 2 தேக்கரண்டி தேங்காய் துருவல் சேர்த்து இறக்கி விட வேண்டும். இப்போது சுவையான மரவள்ளிக்கிழங்கு பொடிமாஸ் தயார்.

இதையும் படிங்க: குழந்தைகள் முன்னிலையில் இதையெல்லாம் செய்தால்.. எதிர்காலமே பாழாகிடும்.. உஷார்.. பெற்றோர்களே.!