விளையாட்டு நேரத்தில் நடந்த விபரீதம்! அப்பாவிச் சிறுவனின் உயிரை பறித்த விஷ லட்டு! தெலங்கானாவில் நடந்தது என்ன? அதிர்ச்சியில் உறைந்து போன கிராமம்!!!

தெலங்கானா மாநிலம் முலுகு மாவட்டத்தில் விஷம் கலந்த லட்டை சாப்பிட்ட 4 வயது சிறுவன் உயிரிழந்தது பெரும் அதிர்ச்சியை ஏற்படுத்தியுள்ளது. வீட்டின் அருகே விளையாடிக் கொண்டிருந்தபோது தரையில் கிடந்த இனிப்பை எடுத்துச் சாப்பிட்டதே இந்த துயர சம்பவத்திற்குக் காரணமாகியுள்ளது. சிகிச்சைக்காக மருத்துவமனைக்கு அழைத்துச் சென்றும், சிறுவனை காப்பாற்ற முடியவில்லை.

விளையாட்டு நேரம் விபரீதமாக முடிந்தது

கோவிந்தராவ்பேட்டை மண்டலத்தைச் சேர்ந்த அஸ்வினி நந்தன் என்ற சிறுவன், வழக்கம்போல் வீட்டின் அருகே விளையாடிக் கொண்டிருந்தான். அப்போது தரையில் கிடந்த லட்டை கண்ட அவன், அதை எடுத்துச் சாப்பிட்டதாக தகவல்கள் தெரிவிக்கின்றன. சில நிமிடங்களிலேயே அவனுக்கு உடல்நலக் குறைவு ஏற்பட்டது.

இதையும் படிங்க: சப்பாத்தி, உருளைக்கிழங்கு குருமா சாப்பிட்டு தூங்கிய 14 வயது சிறுமி! இரவு 11 மணிக்கு.... அதிகாலை 4 மணிக்கு பெற்றோருக்கு காத்திருந்த பேரதிர்ச்சி.! விழுப்புரத்தில் பெரும் சோகம்!

இதையடுத்து, பெற்றோர் அவனை உடனடியாக அருகிலுள்ள மருத்துவமனைக்கு கொண்டு சென்றனர். ஆனால் டாக்டர்கள் மேற்கொண்ட சிகிச்சை பலனளிக்காமல், சிறுவன் பரிதாபமாக உயிரிழந்தான்.

குரங்குகளை கட்டுப்படுத்த விஷம் வைத்ததாக சந்தேகம்

தகவலின்படி, அப்பகுதியில் குரங்குகளின் தொல்லை அதிகரித்ததால், அவற்றை கட்டுப்படுத்த விஷம் கலந்த லட்டை வீதிகளில் வைக்கப்பட்டதாக கூறப்படுகிறது. இந்த நடவடிக்கையில் உள்ளூர் பஞ்சாயத்து ஊழியர்கள் தொடர்புடையிருக்கலாம் என்ற சந்தேகமும் எழுந்துள்ளது.

இதனால், பாதுகாப்பு நடவடிக்கையாக எடுத்த செயல் மனித உயிரையே பறித்துள்ளது என்ற குற்றச்சாட்டு எழுந்துள்ளது.

போலீஸ் விசாரணை தீவிரம்

இந்த சம்பவம் குறித்து காவல்துறையினர் வழக்குப் பதிவு செய்து, பொதுமக்கள் நடமாட்டம் உள்ள இடங்களில் விஷம் கலந்த உணவை வைத்தது யார் என்பது குறித்து தீவிரமாக விசாரணை மேற்கொண்டு வருகின்றனர். அதிகாரிகளின் அலட்சியத்தால் ஒரு சிறுவன் உயிரிழப்பு ஏற்பட்டதாக பொதுமக்கள் கடும் எதிர்ப்பை பதிவு செய்துள்ளனர்.

இதையடுத்து, இத்தகைய செயல்களில் பொறுப்புக்கூற வேண்டியவர்கள் மீது கடுமையான நடவடிக்கை எடுக்க வேண்டும் என்ற கோரிக்கையும் வலுத்து வருகிறது.

இதையும் படிங்க: வீட்டின் பூஜையறையில் இருந்த செம்பருத்திப்பூ! விளையாட்டு விபரீதமாக மாறிய நேரம்...கவனிக்காமல் விட்டதால் 7 மாதக் குழந்தை துடிதுடித்து பலி..!!