இப்படி கூட யோசிப்பாங்களா... கோவிலுக்கு வெள்ளி துப்பாக்கியும், பூண்டும் பரிசாக வழங்கிய பக்தர்! விசித்திரமான காரணம்! வைரல் சம்பவம்...

ராஜஸ்தானின் சித்தோர்கர் மாவட்டத்தில் அமைந்துள்ள பிரபலமான சவாரியா சேத் கோவில் இணையத்தில் தற்போது வைரலாகியுள்ளது. இந்த கோவிலில் நடந்துள்ள ஒரு விசித்திரமான காணிக்கை சமீபத்திய தலைப்பாக மாறியுள்ளது.

விசித்திரமான காணிக்கை

கோவிலின் மூலவரான ஸ்ரீ கிருஷ்ணருக்கு, ஒரு பக்தர் வெள்ளியால் செய்யப்பட்ட துப்பாக்கி மற்றும் பூண்டை காணிக்கையாக வழங்கியுள்ளார். இந்த இரண்டு பொருட்களின் மொத்த எடை சுமார் அரை கிலோ ஆகும் என்றும், இது கோவிலில் வெள்ளி ஆயுதம் காணிக்கையாக வழங்கப்படும் முதல்முறையென கோவில் தலைவர் ஜானகி தாஸ் தெரிவித்தார்.

விலை உயர்வு பின்னணியாக இருக்கலாம்

கடந்த ஆண்டில் ராஜஸ்தானில் பூண்டின் விலை அதிகரித்தது. இதனால் விவசாயிகள் லாபம் ஈட்டியிருந்தனர். இந்த சூழ்நிலையையே அடிப்படையாகக் கொண்டு, அந்த பக்தர் வெள்ளித் துப்பாக்கி மற்றும் பூண்டை காணிக்கையாக வழங்கியிருக்கலாம் என நம்பப்படுகிறது.

இதையும் படிங்க: நகை பிரியர்களே கிடுகிடுவென உயர்ந்த தங்கம் விலை! இன்றைய தங்கம் விலை நிலவரம்!

பக்தியின் வித்தியாசமான வெளிப்பாடு

பொதுவாக கடவுளுக்கு பூக்கள், பழங்கள் போன்றவையே காணிக்கையாக வழங்கப்படுவது வழக்கம். ஆனால், இந்தக் காணிக்கை பக்தியின் வித்தியாசமான வெளிப்பாடாகவே பார்க்கப்படுகிறது. இதற்கு முன் இக்கோவிலில் வெள்ளியால் செய்யப்பட்ட பெட்ரோல் பம்ப், விமானம், டிராக்டர், மடிக்கணினி மற்றும் ஐபோன் போன்ற பல விசித்திரமான பரிசுகள் காணிக்கையாக வழங்கப்பட்டுள்ளன.

செல்வத்தின் கடவுளாக சவாரியா சேத்

இக்கோவிலில் சவாரியா சேத் என அழைக்கப்படும் கிருஷ்ணர், செல்வத்தின் கடவுளாக பக்தர்களால் வணங்கப்படுகிறார். இதனால் தான் இந்த விதமான உயர்தர, விசித்திரமான காணிக்கைகள் வழங்கப்படுகின்றன.

இதையும் படிங்க: குறைப்பிரசவத்தில் வெறும் 21 வாரங்களில் பிறந்த குழந்தை! 283 கிராம் எடை! தாயும் சேயும் நலம்! கின்னஸ் சாதனை புத்தகத்தில் இடம் பிடித்த குழந்தை!