அறுவை சிகிச்சை பிறகு அடுத்தடுத்து இறந்த 2 பெண்கள்! தொடரும் மர்மம்... பகீர் சம்பவம்..!!!

ராஜஸ்தான் மாநிலம் கோட்டாவில் உள்ள நியூ மெடிக்கல் காலேஜ் மருத்துவமனையில், சிசேரியன் அறுவை சிகிச்சைக்குப் பிறகு 24 மணி நேரத்திற்குள் இரண்டு பெண்கள் உயிரிழந்துள்ளனர். அடுத்தடுத்து நிகழ்ந்த இந்த மரணங்கள் மருத்துவ வட்டாரத்தில் அதிர்ச்சியை ஏற்படுத்தியுள்ளன. ஏற்கெனவே இதே மருத்துவமனையில் சிறுநீரகப் பாதிப்பால் பெண்கள் உயிரிழந்த சம்பவம் சர்ச்சையை ஏற்படுத்தியிருந்த நிலையில், தற்போது மீண்டும் பிரசவ மரணங்கள் நிகழ்ந்துள்ளன.

நான்காவது சிசேரியனுக்குப் பிறகு உயிரிழந்த பெண்

கடந்த அக்டோபர் 14-ம் தேதி ரேஷ்மா (40) என்பவருக்கு நான்காவது முறையாக சிசேரியன் அறுவை சிகிச்சை செய்யப்பட்டது. இதற்குப் பிறகு அவருக்குச் சிறுநீரகக் கோளாறு ஏற்பட்டதாகக் கூறப்படுகிறது. தொடர்ந்து மருத்துவமனையில் சிகிச்சை பெற்று வந்த அவர், வெள்ளிக்கிழமை இரவு உயிரிழந்தார்.

இதையும் படிங்க: மனைவியை விட 2 கடைகள் தான் முக்கியமா? மனைவியை அடித்துக் கொன்ற கணவன்..! இறுதியில் போட்ட நாடகம்... அம்பலமான அதிர்ச்சி உண்மை..!!!

கடுமையான ரத்தசோகையால் பாதிக்கப்பட்ட மற்றொரு பெண்

இதற்கிடையே, பாரான் பகுதியைச் சேர்ந்த ரோஷன் பைர்வா என்ற பெண்ணும் அறுவை சிகிச்சைக்குப் பிறகு உயிரிழந்தார். கடுமையான ரத்தசோகையால் பாதிக்கப்பட்டிருந்த அவருக்கு சிகிச்சை அளிக்கப்பட்ட நிலையில், சனிக்கிழமை மதியம் அவர் உயிரிழந்ததாகத் தகவல்கள் தெரிவிக்கின்றன. அடுத்தடுத்து இரண்டு பெண்கள் உயிரிழந்தது அவர்களது குடும்பத்தினரிடையே சோகத்தை ஏற்படுத்தியுள்ளது.

முந்தைய உயிரிழப்புகளால் மீண்டும் சர்ச்சை

கடந்த மே மாதம் இதே மருத்துவமனையில் 12 பெண்களுக்குச் சிறுநீரகப் பாதிப்பு ஏற்பட்டு, அவர்களில் 5 பேர் உயிரிழந்ததாகவும் கூறப்படுகிறது. அந்தச் சம்பவம் தொடர்பான அதிர்ச்சி நீங்காத நிலையில், தற்போது மேலும் இரண்டு பெண்கள் உயிரிழந்துள்ளனர். இதனால் மருத்துவமனையின் சிகிச்சை முறைகள் மற்றும் நோயாளிகளுக்கான கண்காணிப்பு குறித்து கேள்விகள் எழுந்துள்ளன. இருப்பினும், இந்த இரு மரணங்களுக்கும் மருத்துவ அலட்சியமே காரணமா என்பதை உறுதிப்படுத்த விசாரணை மற்றும் மருத்துவ அறிக்கைகளின் முடிவுகள் அவசியமாகின்றன.

இதையும் படிங்க: திடீரென தீப்பிடித்து எரிந்த தண்ணீர்...! வினோத நீரைக் கண்டு பீதிபடைந்த கிராம மக்கள்..! பகீர் சம்பவம்..!!!