சுடிதார் அணிந்து வந்த தலைமை ஆசிரியை! பள்ளிக்குள் நுழைய மறுக்கப்பட்ட அனுமதி! மாணவர்களின் உணவுடன் போராட்டத்தில் ஆசிரியை!!!

கேரள மாநிலத்தில் நடந்த பள்ளி சர்ச்சை ஒன்று கல்வித் துறையில் பெரும் விவாதத்தை உருவாக்கியுள்ளது. அரசு உதவி பெறும் பள்ளி ஒன்றில் சுடிதார் அணிந்து வந்த தலைமை ஆசிரியைக்கு பள்ளிக்குள் நுழைய அனுமதி மறுக்கப்பட்ட சம்பவம் பொதுமக்களிடையே அதிர்ச்சியை ஏற்படுத்தியுள்ளது.

வாயிலிலேயே தடுத்து நிறுத்தப்பட்ட தலைமை ஆசிரியை

கொல்லம் மாவட்டத்தில் உள்ள அந்த பள்ளிக்கு கடந்த புதன்கிழமை காலை 9 மணியளவில் வந்த தலைமை ஆசிரியையை, பள்ளி மேலாளரின் உத்தரவின் பேரில் பாதுகாப்பு ஊழியர்கள் வாயிலிலேயே தடுத்து நிறுத்தினர். பெண் ஆசிரியர்கள் சுடிதார் அணிந்து பள்ளிக்கு வரக்கூடாது என்ற மேலாளரின் வாய்மொழி உத்தரவை மீறியதாகக் கூறி இந்த நடவடிக்கை எடுக்கப்பட்டதாக தகவல் வெளியாகியுள்ளது.

இதையும் படிங்க: பயங்கர தள்ளுமுள்ளு... போலீஸ் கையை கடித்து குதறிய தவெக தொண்டர்! பரபரப்பு வீடியோ!

மாணவர்களின் உணவுடன் போராட்டம்

பள்ளிக்குள் அனுமதி மறுக்கப்பட்டதால், மதிய உணவுக்காக மாணவர்களுக்குக் கொண்டு வரப்பட்ட முட்டை தட்டுடன் பள்ளி வாசலில் அமர்ந்து தலைமை ஆசிரியை போராட்டத்தில் ஈடுபட்டார். இந்த காட்சிகள் தொலைக்காட்சி ஊடகங்களில் வெளியானதும் விவகாரம் மாநிலம் முழுவதும் பரபரப்பை ஏற்படுத்தியது.

போலீஸ் தலையீட்டுக்குப் பின் அனுமதி

தகவலறிந்து வந்த கொட்டாரக்கரா காவல்துறையினர் பள்ளி நிர்வாகத்துடன் பேச்சுவார்த்தை நடத்தினர். அதன் பின்னரே தலைமை ஆசிரியைக்கு பள்ளிக்குள் நுழைய அனுமதி வழங்கப்பட்டது.

இந்த உடை சுதந்திர விவாதம் ஆசிரியர்களின் தனிப்பட்ட உரிமைகள் மற்றும் பள்ளி நிர்வாகத்தின் கட்டுப்பாடுகள் குறித்து புதிய கேள்விகளை எழுப்பியுள்ளது. கல்வி நிலையங்களில் பெண்களின் மரியாதையும் சுதந்திரமும் பாதுகாக்கப்பட வேண்டும் என்ற கோரிக்கைகள் வலுப்பெற்று வரும் நிலையில், இந்த சம்பவம் முக்கிய திருப்பமாக பார்க்கப்படுகிறது.

இதையும் படிங்க: அதிகாலையில் கடும் குளிரில் குளிர்ந்த நீரில் குளித்த 12 ஆம் வகுப்பு மாணவன் உயிரிழப்பு! நாகப்பட்டினத்தில் அதிர்ச்சி சம்பவம்!!!