3 வயது குழந்தையை ஆசை வார்த்தை கூறி அழைத்து சென்ற 35 வயது நபர்! அடுத்து நடந்த அதிர்ச்சி... இறுதியில் வயல்வெளியில் கிடந்த சடலம்! பகீர் சம்பவம்..!!!

உத்தரப் பிரதேச மாநிலம் ஹமீர்பூரில் 3 வயது சிறுமி உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. வயல்வெளியில் சிறுமியின் சடலம் மீட்கப்பட்ட நிலையில், அண்டை வீட்டைச் சேர்ந்த 35 வயது நபர் சிறுமியை பாலியல் வன்கொடுமை செய்து கொலை செய்ததாக பெற்றோர் புகார் அளித்துள்ளனர். இதனால் ஆத்திரமடைந்த கிராம மக்கள் நடத்திய போராட்டம் வன்முறையாக மாறியது. இதில் போலீஸ் வாகனங்களும் சேதமடைந்தன.

வயல்வெளியில் சிறுமியின் சடலம் மீட்பு

ஹமீர்பூர் மாவட்டம் முஸ்கரா காவல் நிலைய எல்லைக்குட்பட்ட பகுதியில் உள்ள வயல்வெளியில் 3 வயது சிறுமியின் சடலம் கண்டெடுக்கப்பட்டது. சிறுமியை அப்பகுதியைச் சேர்ந்த 35 வயது நபர் ஆசை வார்த்தை கூறி அழைத்துச் சென்றதாகவும், பின்னர் வயல்வெளியில் பாலியல் வன்கொடுமை செய்து கழுத்தை நெரித்துக் கொலை செய்ததாகவும் பெற்றோர் போலீசில் புகார் அளித்துள்ளனர்.

இதையும் படிங்க: அப்பாவி பொண்ணு... வாலிபரால் கல்லூரி மாணவி எடுத்த விபரீத முடிவு! அதிரவைக்கும் காரணம்! கதறும் குடும்பத்தினர்...!!!

பெற்றோர் அளித்த புகாரின் அடிப்படையில் போலீசார் விசாரணையைத் தொடங்கியுள்ளனர். சிறுமியின் உயிரிழப்பு தொடர்பான குற்றச்சாட்டுகள் குறித்து விசாரணை நடைபெற்று வருகிறது.

போலீசார் மீது கல்வீச்சு; வாகனங்கள் சேதம்

சிறுமியின் சடலம் மீட்கப்பட்ட தகவல் பரவியதும் கிராம மக்கள் திரண்டு போலீசாரிடம் வாக்குவாதத்தில் ஈடுபட்டனர். ஒரு கட்டத்தில் ஆத்திரமடைந்த கூட்டத்தினர் போலீசார் மீது கல்வீச்சில் ஈடுபட்டனர்.

இந்தத் தாக்குதலில் சுமார் 6 போலீஸ் வாகனங்களின் கண்ணாடிகள் உடைந்து சேதமடைந்தன. இதனால் அப்பகுதியில் பதற்றமான சூழல் உருவானது. நிலைமையைக் கட்டுக்குள் கொண்டுவர கூடுதல் போலீசார் வரவழைக்கப்பட்டனர்.

மூன்று தனிப்படைகள் அமைத்து விசாரணை

பதற்றத்தைத் தொடர்ந்து மாநில ஆயுதப்படையான பிஏசி படையினரும், பல்வேறு காவல் நிலையங்களைச் சேர்ந்த போலீசாரும் சம்பவ இடத்தில் குவிக்கப்பட்டுள்ளனர். அப்பகுதியில் தொடர்ந்து பாதுகாப்புப் பணிகள் மேற்கொள்ளப்பட்டு வருகின்றன.

சிறுமியின் மரணம் தொடர்பாக மூன்று தனிப்படைகள் அமைக்கப்பட்டு விசாரணை தீவிரப்படுத்தப்பட்டுள்ளதாக ஹமீர்பூர் காவல்துறையினர் தெரிவித்துள்ளனர். புகாரில் கூறப்பட்டுள்ள நபர் மீதான குற்றச்சாட்டுகள் மற்றும் வன்முறையில் ஈடுபட்டவர்கள் குறித்தும் போலீசார் விசாரித்து வருகின்றனர்.

उत्तर प्रदेश-
हमीरपुर में 3 साल की मासूम बच्ची का खेत में शव मिला है। परिजनों ने पड़ोस में रहने वाले 35 वर्षीय युवक पर बच्ची को बहला-फुसलाकर खेत में ले जाने, Dushkarm करने और गला दबाकर Hatya करने का आरोप लगाया है।

मासूम का शव खेत में मिलने के बाद ग्रामीणों का गुस्सा फूट पड़ा।… pic.twitter.com/QRYIKS6AjU

— Rahul Saini (@JtrahulSaini) November 2, 2026

இதையும் படிங்க: 7-ஆம் வகுப்பு சிறுவன் முதல் அடுத்தடுத்து கல்லூரி மாணவர் வரை 6 பேர் உயிரிழப்பு! பின்னணியில் இருந்த அதிர்ச்சி உண்மை..!!!