அடிஆத்தி..! காட்டில் சிக்கிய இரட்டை தலை பாம்பு...! அதிர்ச்சியில் உறைந்த உள்ளூர் மக்கள்... பாம்புவை பிடித்த வனவிலங்கு மீட்பு குழுவினர்! வைரலாகும் வினோத வீடியோ...!!!

குஜராத் மாநிலம் தஹோத் மாவட்டத்தில் உள்ள தன்பூர் வனச்சரகப் பகுதியில் அரிய வகை இரட்டைத் தலை பாம்பு ஒன்று கண்டெடுக்கப்பட்டுள்ளது. காட்டுப் பகுதியில் வித்தியாசமான தோற்றத்துடன் பாம்பு நடமாடுவதை பார்த்த உள்ளூர் மக்கள் வனத்துறையினருக்கு தகவல் தெரிவித்தனர். இதையடுத்து அங்கு சென்ற மீட்புக் குழுவினர் பாம்பை பத்திரமாக பிடித்து தஹோத் நகருக்கு கொண்டு வந்துள்ளனர்.

வனப்பகுதியில் சிக்கிய அரிய பாம்பு

தகவல் கிடைத்ததும் வனவிலங்கு மீட்புக் குழுவினர் தன்பூர் வனப்பகுதிக்கு விரைந்தனர். அங்கு இரண்டு தலைகளுடன் காணப்பட்ட பாம்பை பாதுகாப்பாக மீட்ட அவர்கள், தொடர்ந்து ஆய்வு செய்வதற்காக வனத்துறை கண்காணிப்பில் வைத்தனர். பாம்பின் உடல் அமைப்பு மற்றும் நடமாட்டம் தொடர்பாகவும் நிபுணர்கள் ஆய்வு மேற்கொண்டனர்.

இதையும் படிங்க: மனுஷனாடா நீ? சிகிச்சை என்ற பெயரில் செய்யும் சித்திரவதை..! பிஞ்சு குழந்தைகளின் உயிரோடு விளையாடும் போலி சாமியார்.! கதறி துடிக்கும் குழந்தைகள்! ஷாக் வீடியோ..!!,

மரபணு குறைபாட்டால் இரட்டைத் தலை

மீட்புக் குழுவினரின் ஆய்வில், இது விஷமற்ற ‘உல்ஃப் ஸ்நேக்’ எனப்படும் பாம்பு என்பது தெரியவந்தது. மரபணு குறைபாடு காரணமாக மிகவும் அரிதாகவே இதுபோன்ற இரட்டைத் தலை பாம்புகள் பிறக்கின்றன என்று வனவிலங்கு நிபுணர்கள் தெரிவித்துள்ளனர். இரண்டு தலைகளுடன் இருப்பதால் உணவு தேடுதல், நகர்தல் உள்ளிட்ட இயல்பான செயல்பாடுகளில் சிக்கல் ஏற்படுவதால், காடுகளில் இவை நீண்ட காலம் உயிர்வாழ்வதும் கடினம் என கூறப்படுகிறது.

சமூக வலைதளங்களில் வைரலாகும் காட்சிகள்

அரிய தோற்றம் கொண்ட இந்த பாம்பின் புகைப்படங்கள் மற்றும் வீடியோக்கள் தற்போது சமூக வலைதளங்களில் வேகமாக பரவி வருகின்றன. இதைப் பார்த்த பலரும் ஆச்சரியம் தெரிவித்து வரும் நிலையில், பாம்பின் உடல்நிலையை வனத்துறையினர் தொடர்ந்து கண்காணித்து வருகின்றனர். அரிய உயிரினங்கள் குறித்து பொதுமக்கள் தகவல் அளிப்பது அவற்றை பாதுகாப்பாக மீட்பதற்கும், வன உயிரின பாதுகாப்பு நடவடிக்கைகளுக்கும் உதவியாக இருக்கும் என அதிகாரிகள் தெரிவித்துள்ளனர்.

Rare two-headed snake found in Gujarat’s Dahod district. Wildlife rescuers identified the unusual reptile as a non-venomous wolf snake after it was spotted in the Dhanpur range. The snake was safely rescued and brought to Dahod for observation. pic.twitter.com/cYF4zYfpIS— Dilip Kshatriya (@Kshatriyadilip) October 6, 2026

இதையும் படிங்க: கழுத்தில் இருந்த காயம்! இயற்கை மரணம் என நாடகம் போட்ட மனைவி! வீட்டில் கிடைத்த செல்போனில் சிக்கிய வீடியோ ஆதாரம்... அம்பலமான பார்லர் மனைவி செய்த கேடித்தனம்! பகீர் சம்பவம்...!!!