அதிகாரிகளுக்கு அனுப்பிய கடைசி மெசேஜ்..! வீட்டின் கதவைத் திறந்ததும் போலீஸ் கண்ட அதிர்ச்சி... பகீர் சம்பவம்!!!

பெங்களூருவில் தகவல் தொழில்நுட்ப நிறுவனத்தில் பணியாற்றிய 30 வயது மென்பொறியாளர் முகமது அஸ்லமும், அவரது 28 வயது மனைவி ஃபர்ஹானாவும் வீட்டில் உயிரிழந்த நிலையில் கண்டெடுக்கப்பட்டனர். அக்டோபர் 15-ஆம் தேதி காலை போலீஸாருக்கு கிடைத்த தகவலைத் தொடர்ந்து இந்த விவகாரம் வெளிச்சத்துக்கு வந்தது. உயிரிழப்பதற்கு முன்பு அஸ்லம் தனது நிறுவனத்தின் உயர் அதிகாரிகளுக்கு மின்னஞ்சல் அனுப்பியிருந்தது விசாரணையில் தெரியவந்துள்ளது.

வீட்டில் சடலமாகக் கண்டெடுக்கப்பட்ட தம்பதி

பெங்களூருவைச் சேர்ந்த அஸ்லமும், கேரளாவைச் சேர்ந்த ஃபர்ஹானாவும் ஒன்றாக வசித்து வந்தனர். சம்பவம் குறித்து காவல் கட்டுப்பாட்டு அறைக்கு தகவல் கிடைத்ததும், போலீஸார் விரைந்து சென்று வீட்டில் சோதனை நடத்தினர். அப்போது ஃபர்ஹானா தரையில் உயிரிழந்த நிலையில் கிடந்தார். அஸ்லம் தூக்கில் தொங்கிய நிலையில் கண்டெடுக்கப்பட்டார்.

இதையும் படிங்க: கால்வாயில் சாக்கு மூட்டையில் கிடந்த சடலம்..! திறந்த போது போலீஸ்கு காத்திருந்த அதிர்ச்சி... பகீர் வீடியோ..!!!

நிறுவன அதிகாரிகளுக்கு மின்னஞ்சல் அனுப்பிய அஸ்லம்

இந்த வழக்கில் அஸ்லம் அனுப்பிய மின்னஞ்சல் முக்கிய ஆதாரமாகக் கருதப்படுகிறது. அதில், தான் உயிரை மாய்த்துக்கொள்ளப் போவதாகக் குறிப்பிட்டிருந்த அவர், தனது தந்தை மற்றும் வீட்டின் உரிமையாளரின் தொடர்பு எண்களையும் வழங்கியிருந்ததாகக் கூறப்படுகிறது. அவர்களுக்கு தகவல் தெரிவிக்குமாறும் மின்னஞ்சலில் கேட்டிருந்தார்.

மின்னஞ்சலைப் பெற்ற நிறுவன அதிகாரிகள் உடனடியாக வீட்டின் உரிமையாளரைத் தொடர்புகொண்டு, போலீஸாருக்கும் தகவல் தெரிவித்தனர். இருப்பினும், அதிகாரிகள் சம்பவ இடத்தை அடைவதற்கு முன்பே இருவரும் உயிரிழந்திருந்ததாகத் தெரிகிறது.

கடிதம் கைப்பற்றல்; பல்வேறு கோணங்களில் விசாரணை

சம்பவ இடத்தில் தடயவியல் நிபுணர்கள் ஆய்வு மேற்கொண்டனர். அங்கு கிடைத்த கடிதம் ஒன்றையும் போலீஸார் கைப்பற்றியுள்ளனர். அதன் விவரங்கள் முழுமையாக வெளியாகவில்லை. முதற்கட்ட விசாரணையில், மனைவியைக் கொலை செய்துவிட்டு அஸ்லம் தற்கொலை செய்திருக்கலாம் என போலீஸார் சந்தேகிக்கின்றனர். எனினும், இந்த சந்தேகம் இன்னும் உறுதிப்படுத்தப்படவில்லை.

தம்பதியினரிடையே குடும்பப் பிரச்சினை இருந்ததா, சம்பவத்திற்கு முன்பு ஏதேனும் வாக்குவாதம் ஏற்பட்டதா என்பது குறித்தும் விசாரணை நடைபெற்று வருகிறது. அஸ்லம் மின்னஞ்சல் அனுப்பிய நேரம், சம்பவ இடத்தில் கிடைத்த தடயங்கள், பிரேதப் பரிசோதனை அறிக்கை ஆகியவற்றின் அடிப்படையில் உயிரிழப்புகளுக்கான காரணத்தை போலீஸார் கண்டறிய முயன்று வருகின்றனர். விசாரணை முடிந்த பிறகே சம்பவத்தின் முழுப் பின்னணி தெரியவரும்.

இதையும் படிங்க: திருமணமான ஒரு மாதத்தில் மாமனாருடன் படுக்கையறையில் மயங்கிக் கிடந்த இளம்பெண்! மருத்துவமனையில் சொன்ன அதிர்ச்சி உண்மை... பகீர் சம்பவம்..!!!