அகமதாபாத் விமான விபத்தில் முன்னாள் முதல்வர், கணவரை முதல்முறை பார்க்க சென்ற புதுமணப் பெண் பலியாகினர்! நெஞ்சை உலுக்கும் துயர சம்பவம்...

Copy Link

அகமதாபாத்தில் ஏற்பட்ட பயங்கர விமான விபத்து

குஜராத் மாநிலம் அகமதாபாத்தில் கண்கள் கலங்க வைக்கும் ஒரு மிகப்பெரிய துயர சம்பவத்தை எதிர்கொண்டது. லண்டனுக்குப் புறப்பட்ட ஏர் இந்தியா Boeing 787-8 ட்ரீம்லைனர் விமானம், மதியம் 1:39 மணிக்கு சர்தார் வல்லபாய் படேல் சர்வதேச விமான நிலையத்தில் இருந்து புறப்பட்ட சில நிமிடங்களிலேயே விபத்தில் சிக்கியது. இந்த பயங்கர விபத்தில் விமானத்தில் பயணித்த 241 பேர் உயிரிழந்தனர்.பிஜே மருத்துவக் கல்லூரி வளாகத்தில் விழுந்தது விமானம்

விமானம் புறப்பட்டு ஐந்து நிமிடத்தில் அருகிலுள்ள பிஜே மருத்துவக் கல்லூரி விடுதிக்கே நேராக மோதியது. இச்சம்பவத்தில் தீப்பிடித்து எரிந்த விமானத்தில் இருந்த 230 பயணிகள் மற்றும் 12 பணியாளர்கள், மொத்தம் 242 பேரில் ஒருவர் மட்டுமே உயிருடன் மீட்கப்பட்டுள்ளார்.

முன்னாள் முதல்வர் விஜய் ரூபானி உயிரிழப்பு

முக்கியமாக, குஜராத் மாநிலத்தின் முன்னாள் முதல்வர் விஜய் ரூபானி இந்த விபத்தில் பலியாகி உள்ளார். அவர் தன் மகளை சந்திக்க லண்டனுக்கு பயணித்த வேளையில் இந்த துயர சம்பவம் நிகழ்ந்தது. இவர் 2016 முதல் 2021 வரை குஜராத்தின் முதல்வராக பணியாற்றியவர் என்பது குறிப்பிடத்தக்கது.

இதையும் படிங்க: Video : புறப்பட்ட 5 நிமிடத்தில் தீப்பற்றி கொழுந்துவிட்டு எரிந்த விமானம்! பயணிகள் நிலை என்ன! வெளியான வீடியோ காட்சி...

புதுமணப் பெண் குஷ்புவின் வாழ்க்கை முடிவுக்கு

ராஜஸ்தான் மாநிலத்தைச் சேர்ந்த குஷ்பு என்ற புதுமணப் பெண், லண்டனில் படிக்கும் கணவர் மன்பூல் சிங்கை சந்திக்க இந்த விமானத்தில் புறப்பட்டிருந்தார். திருமணத்திற்குப் பிறகு முதல் முறை கணவரை சந்திக்க நினைத்த அந்த பெண், இந்த விபத்தில் உயிரிழந்தார்.

குடும்பத்துடன் பயணித்த டாக்டர் கோமி வியாஸ் பலி

உதய்ப்பூரைச் சேர்ந்த டாக்டர் கோமி வியாஸ், தனது கணவர் பிரதீக் ஜோஷி மற்றும் மூன்று குழந்தைகள் உடன் லண்டன் செல்லும்போது விமான விபத்தில் சிக்கி, மொத்தமாக குடும்பம் முழுவதும் உயிரிழந்துள்ளது. சமீபத்தில் தன் பணியை ராஜினாமா செய்து லண்டனில் குடியேற திட்டமிட்டிருந்த அவர் குடும்பத்தின் துயரமான முடிவாக இது அமைந்துள்ளது.