சிறுநீரில் நுரை வருதா.? உஷார்.. அலட்சியப்படுத்தினா உயிருக்கே உலை வைக்கலாம்.!

காலையில் அல்லது அடிக்கடி சிறுநீர் கழிக்கும் போது அதிக நுரை (Foamy Urine) வருவதை பலரும் சாதாரணமாக எடுத்துக்கொள்கிறார்கள். ஆனால், இது தொடர்ந்து இருந்தால் சிறுநீரக பாதிப்பின் ஆரம்ப அறிகுறியாக இருக்கலாம் என மருத்துவர்கள் எச்சரிக்கின்றனர்.

சிறுநீரகங்கள் உடலில் உள்ள கழிவுகளை வடிகட்டும் பணியைச் செய்கின்றன. அவை பாதிக்கப்படும்போது, உடலுக்குத் தேவையான புரதம் (Protein) சிறுநீருடன் வெளியேறத் தொடங்கும். இதனால் சிறுநீரில் அதிக நுரை தோன்றும்.

ஒரு முறை மட்டும் நுரை வந்தால் கவலைப்பட வேண்டியதில்லை. வேகமாக சிறுநீர் கழித்தாலும் அல்லது உடலில் நீர்ச்சத்து குறைந்திருந்தாலும் தற்காலிகமாக நுரை வரலாம். ஆனால், பல நாட்களாக தொடர்ந்து நுரை வருவது, கால்களில் வீக்கம், முகம் வீங்குதல், உயர் ரத்த அழுத்தம் போன்ற அறிகுறிகளும் இருந்தால் உடனடியாக மருத்துவரை அணுகி Urine Protein Test மற்றும் Kidney Function Test மேற்கொள்வது நல்லது.

இதையும் படிங்க: இதுக்கு வயது வரம்பே இல்லை! சைலண்ட் ஹார்ட் அட்டாக்! ஆரம்பத்திலேயே எதை வைத்து கண்டறிவது..? அவசியம் தெரிஞ்சுக்கோங்க....

சிறுநீரக நோய்கள் ஆரம்ப நிலையில் பெரிய அறிகுறிகள் இல்லாமல் இருக்கும். எனவே, சிறிய மாற்றங்களைக் கூட அலட்சியப்படுத்தாமல் கவனிப்பது, பாதிப்பை ஆரம்பத்திலேயே கண்டறிந்து சிகிச்சை பெற உதவும்.

இதையும் படிங்க: அடிக்கடி தலைவலி வருகிறதா? உஷார்.! இப்போவே கவனிக்கலன்னா.. வருத்தப்படுவீங்க.!