என்னது.. தேதி மாத்தியாச்சா.! பீஸ்ட் ரிலீஸ் எப்போ?? தீயாய் பரவும் தகவல்! செம எதிர்பார்ப்பில் ரசிகர்கள்!!

தமிழ் சினிமாவில் பல மாஸ், பிளாக்பஸ்டர் திரைப்படங்களில் நடித்து முன்னணி நடிகராக வலம் வருபவர் தளபதி விஜய். இவர் தற்போது பீஸ்ட் என்ற படத்தில் நடித்துள்ளார். சன் பிக்சர்ஸ் நிறுவனத்தின் தயாரிப்பில் உருவாகியுள்ள இந்த படத்தை நெல்சன் இயக்கியுள்ளார். இதில் பூஜா ஹெக்டே ஹீரோயினாக நடித்துள்ளார்.

மேலும் பீஸ்ட் படத்தில் அபர்ணா தாஸ் விஜய்யின் தங்கையாகவும், யோகிபாபு, விடிவி கணேஷ், செல்வராகவன், ரெடின் கிங்ஸ்லி ஆகியோர் முக்கிய கதாபாத்திரத்தில் நடித்துள்ளனர். இதன் படப்பிடிப்புகள் முடிந்து பின்னணி வேலைகள் தீவிரமாக நடைபெற்று வருகிறது. இந்த நிலையில் பீஸ்ட் அப்டேட்டிற்காக ரசிகர்கள் வெறித்தனமாக காத்திருக்கின்றனர்.

இதற்கிடையில் பீஸ்ட் திரைப்படம் தமிழ் புத்தாண்டை முன்னிட்டு ஏப்ரல் 14ஆம் தேதி வெளியாகும் என்று தகவல் பரவியது. ஆனால் அப்போது யாஷ் நடித்துள்ள கே.ஜி.எஃப் 2 படம் வெளியாவதால் பீஸ்ட் படக்குழு  படத்தை ஏப்ரல் 13-ந் தேதி வெளியிட வாய்ப்புள்ளதாக தகவல்கள் கசிந்துள்ளது. இதுகுறித்து அதிகாரப்பூர்வ அறிவிப்பு விரைவில் வெளியாகும் எனவும் எதிர்பார்க்கப்படுகிறது.