விமான நிலையத்தில் எக்ஸ்-ரே பார்த்த அதிகாரிகளுக்கு காத்திருந்த பேரதிர்ச்சி! பெண்களின் வயிற்றுக்குள் இருந்த காப்ஸ்யூல்கள்... ஒன்னு வெடிச்சாலும் சோலி முடுச்சுருக்கும்! அதிர்ச்சி சம்பவம்!

பணம் மற்றும் இலவச வெளிநாட்டு சுற்றுலா என்ற ஆசை, சில நிமிடங்களில் உயிரையும் எதிர்காலத்தையும் அழித்து விடும் என்பதை மீண்டும் ஒருமுறை வெளிப்படுத்தியுள்ளது இந்த சம்பவம். சர்வதேச போதைப்பொருள் கடத்தல் வலையமைப்புகள், மனிதர்களின் பேராசையை ஆயுதமாக்கி எவ்வளவு கொடூரமான பாதைகளில் தள்ளுகின்றன என்பதற்கான எடுத்துக்காட்டாக இது அமைந்துள்ளது.

கௌஷியுங் விமான நிலையத்தில் அதிர்ச்சி கண்டுபிடிப்பு

தாய்லாந்தைச் சேர்ந்த சுமார் 30 மற்றும் 38 வயதுடைய இரண்டு பெண்கள், இலவச தைவான் பயணம் மற்றும் சொற்ப தொகைக்காக ஆசைப்பட்டு போதைப்பொருள் கடத்தல் முயற்சியில் ஈடுபட்டுள்ளனர். தைவானின் கௌஷியுங் சர்வதேச விமான நிலையத்தில் மேற்கொள்ளப்பட்ட எக்ஸ்-ரே சோதனையில், அவர்கள் தங்களது உடலுக்குள் ஹெராயின் மறைத்து வைத்திருந்தது அதிகாரிகளால் கண்டுபிடிக்கப்பட்டது.

உடலுக்குள் மறைக்கப்பட்ட ஹெராயின் காப்ஸ்யூல்கள்

சர்வதேச சந்தையில் சுமார் 2.15 கோடி ரூபாய் மதிப்புடைய 664 கிராம் ஹெராயின் அடங்கிய 115 காப்ஸ்யூல்கள், அந்த பெண்களின் மலக்குடல் மற்றும் வயிற்றுப் பகுதிகளில் இருந்து மீட்கப்பட்டன. இந்த காப்ஸ்யூல்களில் ஒன்று கூட உடைந்திருந்தால், அந்த இடத்திலேயே அவர்கள் உயிரிழந்திருப்பார்கள் என மருத்துவர்கள் அதிர்ச்சியுடன் தெரிவித்துள்ளனர். இது உயிர்க்கு ஆபத்தான முயற்சி என்பதில் எந்த சந்தேகமும் இல்லை.

இதையும் படிங்க: கண்ணில் கடுமையான அரிப்பு, எரிச்சலால் டாக்டரிடம் சென்ற 66 வயது பெண்! இரு கண் இமையிலும் 250 க்கு மேல்.....பரிசோதித்த மருத்துவருக்கு காத்திருந்த பேரதிர்ச்சி!

80,000 ரூபாய்க்காக உயிரை பணயம் வைத்த பேராசை

வெறும் 80,000 ரூபாய் மற்றும் இலவச சுற்றுலா என்ற சிறிய பலனுக்காக, தங்கள் உயிரையே ஆபத்துக்குள் தள்ளும் இந்த கடத்தலில் அவர்கள் ஈடுபட்டுள்ளனர். இந்த செயல், மருத்துவ நிபுணர்கள் பார்வையில் ஒரு வகையான "தற்கொலை முயற்சி" என்றே பார்க்கப்படுகிறது.

தற்போது அந்த இரு பெண்களும் கைது செய்யப்பட்டு வழக்குப்பதிவு செய்யப்பட்டுள்ள நிலையில், பேராசை அவர்களின் எஞ்சிய வாழ்க்கையைச் சிறைக்கம்பிகளுக்குப் பின்னால் முடக்கி வைத்துள்ளது. ஒரு தவறான முடிவு, முழு வாழ்க்கையையும் எப்படி மாற்றிவிடும் என்பதற்கான கடும் எச்சரிக்கையாக இந்த சம்பவம் சமூகத்துக்கு விளங்குகிறது.

இதையும் படிங்க: நபருக்கு வயிற்றில் அறுவை சிகிச்சை செய்த மருத்துவருக்கு காத்திருந்த பேரதிர்ச்சி! சாப்பாட்டுக்கு பதிலாக சங்கிலி முதல் ஆணி வரை... அதிர்ச்சி சம்பவம்!