ஐயோ... புள்ள பாவம்! தொண்டையில் சிக்கிய உணவு... மூச்சுதிணறலிலும் உதவி கேட்டு ஓடிய 8 வயது சிறுமி! பள்ளிஆசிரியரின் அலட்சியத்தால் பறிபோன உயிர்.... ஷாக் வீடியோ..!!!

அமெரிக்காவின் டெக்சாஸ் மாநிலத்தில் பள்ளியில் மதிய உணவு சாப்பிட்டபோது தொண்டையில் உணவு சிக்கி மூச்சுத்திணறிய 8 வயது சிறுமி உயிரிழந்தார். சரியான நேரத்தில் முதலுதவி அளிக்கப்படவில்லை என சிறுமியின் பெற்றோர் குற்றம்சாட்டியுள்ளனர். பள்ளி கண்காணிப்பு கேமராவில் பதிவான காட்சிகளையும் அவர்கள் தற்போது வெளியிட்டுள்ளனர். இந்த விவகாரம் பள்ளிகளில் முதலுதவிப் பயிற்சியின் அவசியம் குறித்த கேள்விகளை எழுப்பியுள்ளது.

உணவு தொண்டையில் சிக்கி மூச்சுத்திணறல்

டெக்சாஸ் மாநிலம் லிண்டேலில் உள்ள வெல்மா பென்னி தொடக்கப் பள்ளியில் கடந்த ஏப்ரல் மாதம் இந்தச் சம்பவம் நடந்துள்ளது. ஏட்ரியன் தாம்சன் என்ற 8 வயது சிறுமி மதிய உணவு சாப்பிட்டுக்கொண்டிருந்தபோது, திடீரென உணவு தொண்டையில் சிக்கியுள்ளது. இதனால் மூச்சுவிட முடியாமல் தவித்த சிறுமி, அங்கிருந்த பெரியவர்களிடம் உதவி கேட்டு ஓடியுள்ளார்.

இதையும் படிங்க: போதையில் இளைஞர் செய்த கொடூரம்! தாயை வீட்டுக்குள் பூட்டிய... தெருவில் கேஸ் சிலிண்டருக்கு தீ வைப்பு! நொடியில் வெடித்து சிதறிய உயிர்... ஷாக் வீடியோ!

தொடர்ந்து செவிலியர் அறையை நோக்கி சிறுமி பதற்றத்துடன் ஓடிச் சென்ற காட்சிகள் பள்ளியின் கண்காணிப்பு கேமராவில் பதிவாகியுள்ளன. ஆனால், அவருக்கு உரிய நேரத்தில் முதலுதவி கிடைக்கவில்லை என பெற்றோர் புகார் தெரிவித்துள்ளனர்.

மறுநாள் மருத்துவமனையில் சிறுமி உயிரிழப்பு

சிறுமியின் உடல்நிலை மோசமடைந்த நிலையில், அவசர உதவிக்காக 911 எண்ணை அழைப்பதற்குள் நிலைமை தீவிரமடைந்துள்ளது. இதையடுத்து மருத்துவமனைக்கு கொண்டு செல்லப்பட்ட சிறுமி, மறுநாள் காலையில் சிகிச்சை பலனின்றி உயிரிழந்தார்.

முதலுதவி பயிற்சி கட்டாயமாக்க கோரிக்கை

பள்ளி ஊழியர்கள் உதவி செய்வதில் தாமதம் ஏற்பட்டதா என்பது குறித்து மீண்டும் விசாரணை நடத்த வேண்டும் என சிறுமியின் பெற்றோர் கோரிக்கை விடுத்துள்ளனர். இதற்காகவே கண்காணிப்பு கேமரா காட்சிகளையும் அவர்கள் வெளியிட்டுள்ளனர்.

இதற்கிடையே, பள்ளிகளில் பணியாற்றும் ஆசிரியர்கள் மற்றும் ஊழியர்களுக்கு தொண்டையில் உணவு சிக்கும்போது மேற்கொள்ளப்படும் 'ஹெய்ம்லிச்' (Heimlich Maneuver) முதலுதவி முறையில் கட்டாயப் பயிற்சி அளிக்க வேண்டும் என சமூக வலைதளங்களில் பலரும் வலியுறுத்தி வருகின்றனர். குழந்தைகள் அதிகம் இருக்கும் இடங்களில் இதுபோன்ற அவசரநிலைகளை கையாள ஊழியர்கள் தயாராக இருக்க வேண்டியதன் அவசியத்தையும் இந்த விவகாரம் உணர்த்தியுள்ளது.

An 8-year-old girl choked at lunch and ran through her school looking for someone to save her. Her parents just released the video, and they want answers.

Adrian Thompson was eating in the cafeteria at Velma Penny Elementary in Lindale, Texas, back in April when she started… pic.twitter.com/eS5AZ2DIQK

— Tony Lane 🇺🇸 (@TonyLaneNV) October 30, 2026

இதையும் படிங்க: தொழிலதிபர்னு சொன் வாலிபர்! நேரில் பார்க்க சென்ற வெளிநாட்டுப் பெண்ணுக்கு காத்திருந்த அதிர்ச்சி.... டேட்டிங் ஆப்பில் நடந்த பகீர் சம்பவம்!!!