முதல்முறையாக நிலத்தடியில் உள்ள பாம்பின் மறைந்துள்ள உலகத்தை பார்க்கும் காட்சி! விஷ பாம்பின் தலையில் கேமரா...பிரம்மாண்ட வீடியோ வைரல் ..!!!

விஷப்பாம்பின் தலையில் கேமரா பொருத்தி பதிவு செய்யப்பட்ட வீடியோ ஒன்று தற்போது சமூக வலைதளங்களில் வேகமாக பரவி வருகிறது. தென்னாப்பிரிக்காவில் காணப்படும் ஆபத்தான ஷீல்டு-நோஸ்டு கோப்ரா பாம்பின் நிலத்தடி வாழ்வை மிக அருகில் காட்டும் இந்த காட்சி, நெட்டிசன்களிடையே பெரும் ஆச்சரியத்தை ஏற்படுத்தியுள்ளது. குறிப்பாக பாம்பு தனது பொந்துக்குள் நுழையும் தருணங்கள் இணையத்தில் அதிகமாக பகிரப்பட்டு வருகின்றன.

பாம்பின் பொந்துக்குள் மறைந்திருந்த உலகம்

தகவலின்படி, சிறிய அளவிலான நவீன கேமரா ஒன்று பாம்பின் தலையில் பொருத்தப்பட்டு இந்த பதிவு எடுக்கப்பட்டுள்ளது. அதன் பின்னர் பாம்பு நிலத்தடி பொந்துக்குள் செல்லும் காட்சிகள் முழுவதும் கேமராவில் பதிவாகியுள்ளன.

இருண்ட சுரங்கப்பாதைகள், மண் சுவர்கள், ஆங்காங்கே சிதறிக் கிடந்த நூற்றுக்கணக்கான முட்டைகள் போன்றவை வீடியோவில் தெளிவாகக் காணப்படுகின்றன. சில இடங்களில் மற்ற பாம்புகளும் நகரும் காட்சிகள் இடம்பெற்றுள்ளதால், வீடியோ பார்ப்பவர்களுக்கு சற்று பதற்றமான அனுபவத்தையும் ஏற்படுத்தியுள்ளது.

இதையும் படிங்க: அம்மாடியோவ்... நூடுல்ஸ் போல சுருட்டி மலைப்பாம்பை விழுங்கிய ராஜ நாகம்! வைரலாகும் அதிர்ச்சியூட்டும் வேட்டை வீடியோ!

தனித்துவமான உடல் அமைப்பால் பிரபலமான வகை

இந்த வீடியோவில் இடம்பெற்றுள்ள பாம்பு, தென்னாப்பிரிக்காவின் வறண்ட பகுதிகளில் வாழும் Shield-nosed Cobra வகையைச் சேர்ந்தது என ஆய்வாளர்கள் தெரிவித்துள்ளனர். இந்த வகை பாம்புகளின் மூக்குப் பகுதியில் கடினமான செதில் போன்ற அமைப்பு இருக்கும். இதன் உதவியால் நிலத்தை எளிதாகத் தோண்டி பொந்துகளை உருவாக்கும் திறன் இவைகளுக்கு உள்ளது.

அதோடு, ஆபத்து நேரும் சூழலில் சாதாரண நல்லபாம்புகளைப் போல தங்களது படத்தை விரித்து எதிரிகளை அச்சுறுத்தும் தன்மையும் இந்த வகை பாம்புகளுக்கு இருப்பதாக கூறப்படுகிறது.

இணையத்தில் குவியும் பார்வைகள்

இந்த வைரல் வீடியோ குறித்து பலரும் சமூக வலைதளங்களில் கருத்து தெரிவித்து வருகின்றனர். முதல் பார்வையில் இது செயற்கை நுண்ணறிவு தொழில்நுட்பத்தில் உருவாக்கப்பட்ட காட்சி போலவே இருப்பதாக சிலர் குறிப்பிட்டுள்ளனர்.

ஒரு நெட்டிசன், “ஹாலிவுட் படக் காட்சியைப் போல பிரம்மாண்டமாக உள்ளது” என பதிவிட்டுள்ளார். மற்றொருவர், “முதன்முறையாக ஒரு பாம்பின் பார்வையில் அதன் உலகத்தைப் பார்க்கும் வாய்ப்பு கிடைத்துள்ளது” என்று கருத்து தெரிவித்துள்ளார்.

இன்ஸ்டாகிராமில் @exploregocam என்ற பக்கத்தில் பகிரப்பட்டுள்ள இந்த வீடியோ, தற்போது லட்சக்கணக்கான லைக்குகள் மற்றும் ஆயிரக்கணக்கான ஷேர்களை பெற்று தொடர்ந்து டிரெண்டாகி வருகிறது.

இதையும் படிங்க: நீயா நானா வா விளையாண்டு பாப்போம்.... ராட்சத ராஜநாகத்தின் வாலைப் பிடித்து இழுத்து அட்டூழியம் செய்த இளைஞர்! இறுதியில் நடந்ததை பாருங்க...திக் திக் திகில் வீடியோ!!!