கடுமையான தலைவலி , கண் எரிச்சலால் 4 மாதங்களாகத் கஷ்டப்பட்ட நபர்! பரிசோத்த மருத்துவர்களுக்கு காத்திருந்த பேரதிர்ச்சி... இப்படியெல்லாம் நடக்குமா? பகீர் பின்னணி...!!!

ரஷ்யாவைச் சேர்ந்த 42 வயது நபரின் கண்ணுக்குள் தாவர விதை முளைத்து வளர்ந்த சம்பவம் மருத்துவர்களை வியப்பில் ஆழ்த்தியுள்ளது. 4 மாதங்களாக கடுமையான தலைவலி, கண் எரிச்சல் மற்றும் இரட்டைப் பார்வையால் அவதிப்பட்டு வந்த மெக்சிம் ஸ்லெப்சோவ் என்பவருக்கு அறுவை சிகிச்சை செய்தபோது இந்த அதிர்ச்சித் தகவல் தெரியவந்தது.

மரக்கிளை பட்டதில் தொடங்கிய பாதிப்பு

சைபீரியாவைச் சேர்ந்த மெக்சிம், வெல்டிங் மற்றும் பிளம்பிங் தொழிலாளியாகப் பணியாற்றி வருகிறார். ஒருமுறை தொலைதூரப் பகுதிக்குச் சென்று மீன்பிடித்துக் கொண்டிருந்தபோது, மரக்கிளை ஒன்று அவரது கண்ணில் பலமாகப் பட்டுள்ளது. அதன்பிறகு கண்ணில் எரிச்சல், வீக்கம் மற்றும் கடுமையான தலைவலி ஏற்பட்டுள்ளது. நாட்கள் கடந்தும் பாதிப்பு குறையாததால் மருத்துவ உதவியை நாடியுள்ளார்.

இதையும் படிங்க: அம்மாவை தேடி சவப்பெட்டியைச் சுற்றி சுற்றி வந்த 3 வயது குழந்தை! கண்கலங்க வைக்கும் காட்சி..!!!

கண்ணுக்குள் முளைத்த விதையைக் கண்ட மருத்துவர்கள்

இதையடுத்து அவருக்கு அறுவை சிகிச்சை செய்து பரிசோதித்த மருத்துவர்கள், கண்ணின் வெளிப்புற உறையான விழி வெண்படலப் பகுதியில் (Sclera) ஒரு தாவர விதை ஊடுருவியிருப்பதைக் கண்டறிந்தனர். அந்த விதை கண்ணுக்குள் முளைத்து, சுமார் ஒரு அங்குல ஆழம் வரை வேர்விட்டிருந்ததாகத் தெரிவிக்கப்பட்டுள்ளது. இதைக் கண்ட மருத்துவக் குழுவினர் ஆச்சரியமடைந்தனர்.

அறுவை சிகிச்சையில் விதை அகற்றம்

கண்ணுக்குள் வளர்ந்திருந்த முளையை அறுவை சிகிச்சை நிபுணர்கள் கவனமாக அகற்றினர். இதன் மூலம் மெக்சிமுக்கு ஏற்பட்ட பாதிப்புக்கு சிகிச்சை அளிக்கப்பட்டது. மனிதக் கண்ணின் திசுக்களுக்குள் தாவர விதை முளைத்து வேர்விட்டதாகக் கூறப்படும் இந்த அரிய மருத்துவ நிகழ்வு கவனம் பெற்றுள்ளது.

வெளிப்புறக் காயம் ஏற்பட்ட பிறகு நீண்ட நாட்களாகத் தொடர்ந்த கண் பாதிப்புக்குப் பின்னால் இத்தகைய காரணம் இருந்தது மருத்துவர்களுக்கே வியப்பை ஏற்படுத்தியுள்ளது. கண்ணில் காயம் ஏற்பட்டால் அதை அலட்சியப்படுத்தாமல் உடனடியாக மருத்துவப் பரிசோதனை செய்துகொள்வதன் அவசியத்தையும் இந்தச் சம்பவம் உணர்த்துகிறது.

இதையும் படிங்க: ஐபோன் மொபைல் வாங்கி தராததால் உயிரமான கட்டிடத்தின் விளிம்பில் நின்று... பெற்றோரை மிரட்டிய 13 வயது சிறுமி! அடுத்து நடந்த விபரீதம்... ஷாக் வீடியோ..!!!