பூரி பொரிப்பதில் புதிய யுக்தி! வேலை இனி ஈஸி தான்.... பெண்ணின் ஐடியாவை பாருங்க! வைரலாகும் வீடியோ!!

சமையல் அறையில் புதுமையான யுக்திகளை சோதித்து பார்க்கும் பழக்கம் அதிகரித்து வரும் நிலையில், தற்போது ஒரு வினோதமான முயற்சி இணையத்தில் பெரும் கவனத்தை பெற்றுள்ளது. நூலில் கோர்த்த பூரிகளை ஒரே நேரத்தில் எண்ணெயில் பொரித்த வீடியோ, நெட்டிசன்களிடையே பரபரப்பை ஏற்படுத்தியுள்ளது.

வினோதமான சமையல் யுக்தி

பூரிகளை ஒவ்வொன்றாக தேய்த்து எண்ணெயில் போட்டு பொரிப்பது நேரமும் உழைப்பும் அதிகம் எடுத்துக்கொள்ளும் பணியாக இருப்பதால், ரச்சனா என்ற பெண், தான் தயார் செய்த பூரிகளை தனித்தனியாக போடாமல், அனைத்தையும் ஒரு நூலில் கோர்த்து மொத்தமாக சூடான எண்ணெயில் விட்டார். இந்த புதிய யுக்தி நேரத்தை மிச்சப்படுத்தும் நோக்கில் செய்யப்பட்டதாக கூறப்படுகிறது.

நெட்டிசன்களின் கவலை

நூலை பிடித்துக்கொண்டு பூரிகளை திருப்பித் திருப்பி பொரித்த இந்த முறை சிலருக்கு ஆச்சரியத்தை ஏற்படுத்தினாலும், பலர் இதை பாதுகாப்பற்ற செயல் என விமர்சித்துள்ளனர். நூலில் உள்ள சாயம் அல்லது அதன் துகள்கள் உணவில் கலக்க வாய்ப்பு இருப்பதாகவும், இது உடல்நலத்திற்கு தீங்கு விளைவிக்கலாம் என்றும் அவர்கள் கவலை தெரிவித்துள்ளனர்.

இதையும் படிங்க: இது பயணமா இல்ல பேய் பட காட்சியா! ரயிலில் நள்ளிரவு 2 மணிக்கு ஒட்டுமொத்த கோச்சிலும் ஒரே பெண்...! இந்திய ரயில்வேயில் இப்படி நடக்குமா? வைரலாகும் விசித்தி வீடியோ..!!!

புதுமையுடன் பாதுகாப்பும் அவசியம்

புதுமையான முயற்சிகளை பாராட்டும் மனப்பான்மை இருந்தாலும், சமையலில் தரமும் பாதுகாப்பும் மிக முக்கியம் என்பதே பெரும்பாலானோரின் கருத்தாக உள்ளது. வைரலாகும் வீடியோக்களை பின்பற்றும் முன், சமையல் பாதுகாப்பு குறித்து யோசிப்பது அவசியம் என நிபுணர்கள் அறிவுறுத்துகின்றனர்.

சமையலில் சுலபமான வழிமுறைகளை தேடுவது நல்லதுதான். ஆனால், அவை உடல்நலத்திற்கு பாதிப்பு ஏற்படுத்தாத வகையில் இருக்க வேண்டும் என்பதே இந்த சம்பவம் மூலம் பலருக்கு கிடைத்த முக்கியப் பாடமாக உள்ளது.