மரத்தடியில் மழைக்காக ஒதுங்கிய தவெக நிர்வாகி..... நொடிப்பொழுத்தில் மின்னல் தாக்கி உயிரிழப்பு! விவசாய வேலை செய்யும் போது நேர்ந்த கொடூரம்!!!

திருவாரூர் மாவட்டம் மன்னார்குடி பகுதியில் பலத்த மழை பெய்தபோது விவசாயப் பணியில் ஈடுபட்டிருந்த தமிழக வெற்றிக் கழக நிர்வாகி மகேந்திரன் மின்னல் தாக்கி படுகாயமடைந்தார். மரத்தடியில் மழைக்காக ஒதுங்கியிருந்தபோது மின்னல் தாக்கியதில் தூக்கி வீசப்பட்ட அவர், மன்னார்குடி அரசு மருத்துவமனையில் அனுமதிக்கப்பட்டார். தீவிர சிகிச்சை அளித்தும் பலனின்றி மகேந்திரன் உயிரிழந்தார்.

மழையில் மரத்தடியில் ஒதுங்கியபோது மின்னல்

மன்னார்குடி பகுதியைச் சேர்ந்த மகேந்திரன், தமிழக வெற்றிக் கழகத்தின் நிர்வாகியாக இருந்து வந்தார். நேற்று பலத்த மழை பெய்த நிலையில், அவர் விவசாயப் பணியில் ஈடுபட்டிருந்ததாக கூறப்படுகிறது. மழை தீவிரமடைந்ததால் அருகிலிருந்த மரத்தடியில் அவர் அமர்ந்து மழையில் இருந்து தப்பிக்க முயன்றார்.

இதையும் படிங்க: பணக்கார வேஷம் வெளிச்சத்துக்கு வந்தது! வருமானத்தை ஆராய்ந்த போலீஸ்.... வீட்டை பூட்டி தலைமறைவான யூடியூப் பிரபலம் மதுமிதா குடும்பம்! அடுத்தடுத்து அம்பலமாகும் பகீர் ரகசியங்கள்..!!!

அப்போது எதிர்பாராத விதமாக பயங்கர சத்தத்துடன் மின்னல் தாக்கியது. இதில் மகேந்திரன் தூக்கி வீசப்பட்டு படுகாயமடைந்தார். அருகில் இருந்தவர்கள் மற்றும் உறவினர்கள் உடனடியாக அவரை மீட்டு மன்னார்குடி அரசு மருத்துவமனைக்கு கொண்டு சென்றனர்.

சிகிச்சை பலனின்றி உயிரிழப்பு

மருத்துவமனையில் மகேந்திரனுக்கு தீவிர சிகிச்சை அளிக்கப்பட்டது. இருப்பினும், சிகிச்சை பலனின்றி அவர் பரிதாபமாக உயிரிழந்தார். இதையடுத்து அவரது குடும்பத்தினருக்கும் உறவினர்களுக்கும் தகவல் தெரிவிக்கப்பட்டது.

தவெக நிர்வாகிகள், தொண்டர்கள் அஞ்சலி

மகேந்திரனின் உயிரிழப்பு மன்னார்குடி சுற்றுவட்டார மக்களிடையே சோகத்தை ஏற்படுத்தியுள்ளது. அவரது உடலுக்கு திருவாரூர் மாவட்டத்தைச் சேர்ந்த தமிழக வெற்றிக் கழக நிர்வாகிகள் மற்றும் தொண்டர்கள் நேரில் சென்று அஞ்சலி செலுத்தி வருகின்றனர். மழைக்காலங்களில் இடியுடன் கூடிய மின்னல் ஏற்படும் நேரங்களில் பொதுமக்கள் பாதுகாப்பான இடங்களில் தஞ்சமடைய வேண்டும் என அறிவுறுத்தப்பட்டு வரும் நிலையில், மரத்தடியில் ஒதுங்கியிருந்தபோது நடந்த இந்த உயிரிழப்பு அப்பகுதியில் கவலையை ஏற்படுத்தியுள்ளது.

இதையும் படிங்க: இப்படி பண்ணிட்டியேப்பா..! எப்போ பாரு போன்னையே வச்சுட்டு இருக்காதா... கண்டித்த தாய்! 10 ஆம் வகுப்பு மாணவன் எடுத்த விபரீத முடிவு! கதறி அழும் பெற்றோர்...!!!