மனைவியும் உறவினரும் அப்பாவி மனுஷனுக்கு சேர்ந்து செய்த துரோகம்! தற்கொலை கடிதத்தில் கணவன் சொன்ன அந்த வார்த்தை.! அதிர்ச்சி சம்பவம்!!!

சென்னை திருவொற்றியூர் அருகே மணலி புதுநகரில் துரோக குற்றச்சாட்டின் பின்னணியில் ஒருவர் உயிரிழந்தது பரபரப்பை கிளப்பியுள்ளது. மனைவி மற்றும் உறவினரின் நடத்தை காரணமாக மனமுடைந்த முத்துக்குமார் தற்கொலை செய்துக்கொண்டதாக கூறப்படுகிறது. சம்பவத்துக்குப் பிறகு உறவினர்கள் சாலை மறியலில் ஈடுபட்டதால் அந்த பகுதி சில நேரம் பதற்றமாக இருந்தது.

மாநகராட்சி ஒப்பந்த பணியாளரான முத்துக்குமார், ஒரு வருடத்திற்கு முன்பு மனைவியை இழந்த உறவினர் சதீஷ்குமாரை தனது வீட்டில் தங்க வைத்திருந்தார். தகவலின்படி, அவர் வேலைக்கு சென்ற நேரங்களில், மனைவி குணசுந்தரிக்கும் சதீஷ்குமாருக்கும் இடையே நெருக்கம் உருவானது. இதை அறிந்த பிறகு குடும்பத்தில் பிரச்சனை அதிகரித்துள்ளது. இதையடுத்து, 20 நாட்களுக்கு முன்பு குணசுந்தரி தாயார் வீட்டுக்குச் செல்கிறேன் எனக் கூறி வெளியேறி, பின்னர் சதீஷ்குமாருடன் சென்றதாக தெரிகிறது.

இதையும் படிங்க: உடல் இப்படியா கிடக்கும்? மகனின் உடலை பார்த்து கதறிய பெற்றோர்...

ஆடியோ, கடிதம்… இறப்புக்கு முன் குற்றச்சாட்டு

இந்த நிலையை தாங்கிக்கொள்ள முடியாமல் முத்துக்குமார் தனது வீட்டிலேயே தூக்கிட்டு தற்கொலை செய்து கொண்டார். இறப்புக்கு முன் பதிவு செய்த ஆடியோ மற்றும் எழுதிய கடிதத்தில், தனது மரணத்திற்கு மனைவியும் உறவினரும் காரணம் என அவர் குறிப்பிட்டுள்ளார். மேலும், சில நாட்களுக்கு முன்புவரை சந்தோசமாக இருந்த வாழ்க்கை திடீரென மாறியதைப் பற்றியும் தனது வேதனையை பதிவு செய்திருந்தார்.

சாலை மறியல்… போலீஸ் உறுதி

தகவல் கிடைத்ததும் மணலி போலீசார் உடலை மீட்டு ஸ்டான்லி மருத்துவமனைக்கு அனுப்பினர். ஆனால், துரோகம் தொடர்பாக நடவடிக்கை எடுக்கவில்லை என குற்றம்சாட்டி, உறவினர்கள் பொன்னேரி நெடுஞ்சாலையில் மறியலில் ஈடுபட்டனர். இதனால் போக்குவரத்து சுமார் அரை மணி நேரம் பாதிக்கப்பட்டது. பின்னர் உதவி ஆணையர் விவேகானந்தன் நேரில் வந்து பேச்சுவார்த்தை நடத்தி, ஆடியோ மற்றும் கடிதத்தின் அடிப்படையில் நடவடிக்கை எடுக்கப்படும் என உறுதி அளித்தார். இதையடுத்து போராட்டம் கைவிடப்பட்டது. போலீசார் தொடர்ந்து விசாரணை நடத்தி வருகின்றனர்.

இதையும் படிங்க: நாங்கள் இனி இருக்கு மாட்டோம்..... மகனுக்கு தந்தை அனுப்பிய மெசேஜ்! அடுத்தடுத்து கணவன் செய்த பயங்கரம்! நடுங்க வைக்கும் பின்னணி.!!!