BREAKING : இல்லத்தரசிகளுக்கு ஷாக் நியூஷ்! இனி 14.2 கிலோ சிலிண்டர் கிடையாது... மத்திய அரசு திடீர் அறிவிப்பு!!!

மேற்காசிய பிராந்தியத்தில் நீடித்து வரும் போர் பதற்றம் உலகளாவிய எரிசக்தி சந்தையில் அதிர்வலைகளை ஏற்படுத்தியுள்ளது. இதன் தாக்கம் இந்தியாவிலும் தெளிவாகப் பிரதிபலித்து, குறிப்பாக வீட்டு பயன்பாட்டிற்கான எரிவாயு விநியோகத்தில் மாற்றங்கள் அவசியமாகி உள்ளன. இந்த நிலையில், பொதுமக்களுக்கு தடையற்ற விநியோகத்தை உறுதி செய்ய மத்திய அரசு முக்கிய முடிவுகளை பரிசீலித்து வருகிறது.

எரிவாயு விநியோகத்தில் அழுத்தம் அதிகரிப்பு

மேற்காசிய நாடுகளில் நிலவி வரும் போர் சூழ்நிலை காரணமாக கச்சா எண்ணெய் மற்றும் எரிவாயு விநியோகம் கடுமையாக பாதிக்கப்பட்டுள்ளது. இதன் விளைவாக இந்தியாவில், குறிப்பாக தமிழகத்தில் வணிகப் பயன்பாட்டிற்கான சிலிண்டர்கள் பற்றாக்குறை நிலவி வருகிறது. இந்த பின்னணியில் வீட்டு பயன்பாட்டிற்கான LPG சிலிண்டர் விநியோகத்தில் மாற்றம் செய்ய அரசு திட்டமிட்டுள்ளது.

14.2 கிலோக்கு பதிலாக 10 கிலோ திட்டம்

தற்போது வீடுகளுக்கு வழங்கப்படும் 14.2 கிலோ எடையுடைய சிலிண்டர்களுக்குப் பதிலாக, தற்காலிகமாக 10 கிலோ எரிவாயு நிரப்பப்பட்ட சிலிண்டர்களை வழங்க எண்ணெய் நிறுவனங்கள் திட்டமிட்டுள்ளன. குறைந்த அளவிலான கையிருப்பை பயன்படுத்தி அதிக குடும்பங்களுக்கு விநியோகம் செய்வதே இந்த நடவடிக்கையின் முக்கிய நோக்கமாகும்.

இதையும் படிங்க: மக்களுக்கு ஷாக்.. நாடு முழுவதும் சிலிண்டர் விலை உயர்வு.. உணவுகளின் விலையும் உயரும் அபாயம்.!

விநியோகத் தொடர்ச்சிக்கு அரசு நடவடிக்கை

எண்ணெய் நிறுவனங்களின் கணிப்புப்படி, 14.2 கிலோ சிலிண்டர் ஒரு குடும்பத்திற்கு சுமார் 40 நாட்கள் பயன்படும் நிலையில், 10 கிலோ சிலிண்டர் ஒரு மாத காலத்திற்கு போதுமானதாக இருக்கும். இதன் மூலம் எரிவாயு பற்றாக்குறை காலத்திலும் விநியோகச் சங்கிலியில் இடையூறு ஏற்படாமல் பாதுகாக்க முடியும் என அரசு நம்புகிறது.

மத்திய பெட்ரோலிய அமைச்சகத்தின் தரப்பில், தற்போதைய சூழ்நிலை கவலைக்கிடமாக இருந்தாலும், வீடுகளுக்கான எரிவாயு விநியோகம் தடையின்றி நடைபெற அனைத்து முன்னெச்சரிக்கை நடவடிக்கைகளும் எடுக்கப்பட்டு வருவதாக தெரிவிக்கப்பட்டுள்ளது. இந்த மாற்றம் தற்காலிகமானதாக இருந்தாலும், பொதுமக்களின் அத்தியாவசிய தேவைகளை பாதுகாக்கும் முக்கிய முயற்சியாக பார்க்கப்படுகிறது.

இதையும் படிங்க: சற்றுமுன்... மக்களுக்கு மகிழ்ச்சி செய்தி! தமிழக முதல்வர் ஸ்டாலின் வெளியிட்ட அறிவிப்பு..!!!