முட்டை விலை மீண்டும் உயர்வு! நாமக்கலில் புதிய கொள்முதல் விலை அறிவிப்பு!

தமிழகத்தில் முட்டை உற்பத்தியில் நாமக்கல் முக்கிய மையமாக விளங்கி வருகிறது. நாமக்கல் மற்றும் சுற்றுவட்டாரப் பகுதிகளில் ஆயிரக்கணக்கான கோழிப்பண்ணைகள் செயல்பட்டு வருகின்றன. இங்கு உற்பத்தியாகும் முட்டைகள் தமிழகத்தின் பல்வேறு மாவட்டங்கள் மட்டுமின்றி, வெளிமாநிலங்களுக்கும் அனுப்பப்பட்டு வருகின்றன.

இந்த நிலையில் நாமக்கல் மண்டலத்தில் முட்டை கொள்முதல் விலை 10 காசுகள் உயர்த்தப்பட்டுள்ளது. தேசிய முட்டை ஒருங்கிணைப்புக் குழு (NECC) நிர்ணயித்துள்ள புதிய விலையின்படி, ஒரு முட்டையின் கொள்முதல் விலை ரூ.5.50 ஆக உயர்ந்துள்ளது. இதற்கு முன்பு ரூ.5.40 ஆக இருந்த நிலையில், தற்போது 10 காசுகள் அதிகரிக்கப்பட்டுள்ளது.

இதனிடையே, சென்னையில் ஒரு முட்டையின் கொள்முதல் விலை ரூ.6.10 ஆக நிர்ணயம் செய்யப்பட்டுள்ளது. நாமக்கல் மண்டலத்தை ஒப்பிடும்போது சென்னையில் முட்டை விலை அதிகமாக இருப்பது குறிப்பிடத்தக்கது. போக்குவரத்து செலவு, சந்தை தேவை உள்ளிட்ட காரணங்களால் வெவ்வேறு பகுதிகளில் விலை மாறுபடுகிறது.

இதையும் படிங்க: அதிவேகமாக வந்த கல்லூரி பேருந்து.. அலட்சியமாக சாலையை கடந்த கல்லூரி மாணவிகள்.. துள்ளத்துடிக்க பறிபோன உயிர்.. பதறவைக்கும் காட்சிகள்..! 

முட்டைக்கான தேவை அதிகரிப்பு, உற்பத்தி நிலவரம், சந்தை சூழல் உள்ளிட்ட பல்வேறு காரணிகளை கருத்தில் கொண்டு தேசிய முட்டை ஒருங்கிணைப்புக் குழு அவ்வப்போது கொள்முதல் விலையை நிர்ணயித்து வருகிறது. தற்போது நாமக்கலில் முட்டை விலை 10 காசுகள் உயர்த்தப்பட்டிருப்பது பண்ணையாளர்களுக்கு ஓரளவு நிம்மதியை அளித்துள்ளது.

இதையும் படிங்க: PET ஆசிரியர் செய்ற வேலையா இது? இன்ஸ்டா மூலம் டார்ச்சர்.. தாய் பரபரப்பு புகார்!