நடத்துனரின் போனை கேட்டு பேசிய நிஷாந்த்! போனில் பேசியபடியே செய்த அந்த ஒரு தவறு.... சாதுரியமாக பேருந்து டிரைவர், கண்டக்டர் போட்ட மாஸ்டர் பிளான்! உடனே மடக்கி பிடித்த போலீஸ்...!!



bus-driver-conductor-help-catch-wanted-criminal

பல்வேறு கொள்ளை வழக்குகளில் காவல்துறையினரால் தேடப்பட்டு வந்த நிஷாந்த், பேருந்து ஓட்டுநர் மற்றும் நடத்துநரின் சாதுரியத்தால் கைது செய்யப்பட்டுள்ளார். பேருந்தில் பயணம் செய்தபோது அவர் பேசிய ஒரு வார்த்தை நடத்துநருக்கு சந்தேகத்தை ஏற்படுத்தியது. இதையடுத்து இருவரும் ரகசியமாக போலீசாருக்குத் தகவல் கொடுத்து, அவர் தப்பிச் செல்லாமல் தடுத்துள்ளனர்.

செல்போனில் பேசியதால் ஏற்பட்ட சந்தேகம்

பேருந்தில் பயணம் செய்த நிஷாந்த், நடத்துநரிடம் செல்போனை வாங்கி யாரிடமோ பேசிக்கொண்டிருந்தார். அப்போது, “நான் நிஷாந்த் பேசுகிறேன்” என்று அவர் கூறியுள்ளார். இதைக் கேட்ட நடத்துநருக்கு சந்தேகம் ஏற்பட்டது.

இதையும் படிங்க: காதலிக்கும் போது அது தெரியலையா..? காதலன் சொன்ன ஒற்றை வார்த்தை... அடுத்த நொடியே 9-வது மாடியிலிருந்து குதித்த இளம்பெண் உயிரிழப்பு..! சென்னையில் நடந்த அதிர்ச்சி..!!!

அதே நேரத்தில், செல்போனில் பேசிக்கொண்டிருந்த நிஷாந்த் முகக்கவசத்தையும் கழற்றியுள்ளார். அப்போது அவரை அடையாளம் கண்டுகொண்ட நடத்துநர், உடனடியாக ஓட்டுநரிடம் சென்று தகவல் தெரிவித்தார். இருவரும் சேர்ந்து காவல்துறையினருக்கு ரகசியமாக தகவல் கொடுத்தனர்.

தப்பிக்க முயன்றபோது மடக்கிப் பிடித்த போலீசார்

போலீசார் வரும் வரை நிஷாந்த் தப்பிச் செல்லாமல் இருக்க ஓட்டுநரும் நடத்துநரும் திட்டமிட்டனர். இதற்கிடையே, கழிவறைக்குச் செல்ல வேண்டும் என்று கூறி பேருந்தை நிறுத்துமாறு நிஷாந்த் வற்புறுத்தியுள்ளார். ஆனால், பேருந்தை நிறுத்த முடியாது என்று கூறிய இருவரும் கதவுகளைப் பூட்டிவிட்டு அருகிலிருந்த தேநீர்க் கடைக்குச் சென்றனர்.

கதவுகள் திறக்கப்படாததால் ஆத்திரமடைந்த நிஷாந்த், கூச்சலிட்டதுடன் ஓட்டுநர் இருக்கைக்கு அருகிலிருந்த ஜன்னல் வழியாக வெளியே குதித்துத் தப்ப முயன்றார். அப்போது அங்கு வந்த காவல்துறையினர் அவரை மடக்கிப் பிடித்துக் கைது செய்தனர். ஓட்டுநர் மற்றும் நடத்துநரின் உடனடி செயல்பாட்டால், கொள்ளை வழக்குகளில் தேடப்பட்டு வந்த நபர் போலீசாரிடம் சிக்கியுள்ளார்.

 

இதையும் படிங்க: செஞ்சி சிறுமி மாயம் வழக்கில் ஒருபுறம் சாம்பல் சோதனை... மறுபுறம் DGP அகர்வால் கூறிய முக்கிய விளக்கம்..!!!