மக்களே அலெர்ட்.... 25 ஆண்டுகளுக்கு பிறகு செப்டம்பரில் உருவாகும் 4-வது புயல்...! தமிழகத்தில் இந்த தேதிகளில் வெளுக்கப்போகும் கனமழை...!!!

வங்கக்கடலில் உருவாகியுள்ள புதிய காற்றழுத்த தாழ்வு பகுதி காரணமாக தமிழகத்தில் மீண்டும் மழை தீவிரமடைய வாய்ப்பு ஏற்பட்டுள்ளது. சென்னை உள்ளிட்ட வட மாவட்டங்கள், டெல்டா மற்றும் தென் மாவட்டங்களில் செப்டம்பர் 19 முதல் 22 வரை இடி, மின்னலுடன் கனமழை பெய்யக்கூடும். இந்த அமைப்பு அடுத்த சில நாட்களில் மேலும் வலுப்பெறுவதற்கான சூழலும் நிலவுகிறது.

கடலோர மாவட்டங்களுக்கும் பரவும் மழை

நடப்பாண்டில் தென்மேற்கு பருவமழை எதிர்பார்த்த அளவுக்கு பெய்யாத நிலையில், மேட்டூர் அணை முழுமையாக நிரம்புவதற்கு முன்பே பாசனத்திற்காக தண்ணீர் திறக்கப்பட்டது. தற்போது பருவமழை இறுதிக் கட்டத்தை நெருங்கியுள்ளது. அக்டோபர் இரண்டாவது வாரத்தில் தென்மேற்கு பருவமழை இந்தியாவில் இருந்து படிப்படியாக விலகும் என எதிர்பார்க்கப்படுகிறது.

இதையும் படிங்க: டாஸ்மாக் கடைகளில் அடுத்த சாட்டையை சுழன்றும் முதல்வர் விஜய்...! அரசு எடுத்த அதிரடி முடிவால்... அலறும் அதிகாரிகள்! சற்றுமுன் பறந்த உத்தரவு...!!!

இந்த நிலையில், அந்தமானை ஒட்டிய வங்கக்கடல் பகுதியில் வளிமண்டல சுழற்சியால் காற்றழுத்த தாழ்வு பகுதி உருவாகியுள்ளது. சாதகமான காற்று குவிதல் காரணமாக அதன் தாக்கம் தமிழகம் நோக்கி நீண்டுள்ளதாக கூறப்படுகிறது. இதனால் உள் மாவட்டங்களில் பெய்து வந்த வெப்பச்சலன இடிமழை, இனி கடலோரப் பகுதிகளிலும் பரவ வாய்ப்புள்ளது.

டெல்டா வெதர்மேன் ஹேமச்சந்திரன் தெரிவித்துள்ள தகவலின்படி, செப்டம்பர் 19 முதல் 22 வரை சென்னை, திருவள்ளூர், காஞ்சிபுரம் உள்ளிட்ட வட மாவட்டங்களுடன் டெல்டா மற்றும் தென் மாவட்டங்களிலும் பலத்த இடி, மின்னலுடன் கனமழை பெய்ய வாய்ப்புள்ளது.

22-ம் தேதி மேலும் வலுப்பெற வாய்ப்பு

வங்கக்கடலில் நிலவும் அமைப்பு படிப்படியாக வலுப்பெற்று, செப்டம்பர் 22 அன்று காற்றழுத்த தாழ்வு மண்டலமாகவும், 23 அன்று ஆழ்ந்த காற்றழுத்த தாழ்வு மண்டலமாகவும் மாறக்கூடும் என கணிக்கப்படுகிறது. அதன்பின் சாதகமான சூழல் தொடர்ந்தால் புயலாக வலுப்பெறுவதற்கான வாய்ப்பும் இருப்பதாக வானிலை கணிப்புகள் தெரிவிக்கின்றன.

செப்டம்பர் மாதத்தில் வங்கக்கடலில் புயல் உருவாவது அரிதானதாகக் கருதப்படுகிறது. கடந்த 25 ஆண்டுகளில் செப்டம்பரில் மூன்று புயல்கள் மட்டுமே உருவாகியுள்ளதாக கூறப்படும் நிலையில், தற்போதைய அமைப்பு புயலாக மாறினால் அது நான்காவது நிகழ்வாக அமையும்.

தமிழகத்திற்கு நேரடி புயல் பாதிப்பு வாய்ப்பு குறைவு

தற்போதைய கணிப்புகளின்படி, இந்த அமைப்பு வடக்கு ஆந்திரா மற்றும் தெற்கு ஒடிசா கடலோரப் பகுதிகளை நோக்கி நகரக்கூடும். இதனால் தமிழகத்தில் புயலின் நேரடி தாக்கம் ஏற்படுவதற்கான வாய்ப்பு குறைவாகவே உள்ளது. இருப்பினும், அதனுடன் தொடர்புடைய வளிமண்டல மாற்றங்கள் காரணமாக தமிழகத்தின் பல பகுதிகளில் இடி, மின்னலுடன் மழை தீவிரமடையக்கூடும்.

அடுத்த சில நாட்களில் வங்கக்கடல் அமைப்பின் வலிமை மற்றும் நகரும் திசையைப் பொறுத்தே மழையின் தீவிரம் தெளிவாகும். எனவே சென்னை முதல் தென் மாவட்டங்கள் வரை பல பகுதிகளில் மழைக்கான சூழல் தொடரும் நிலையில், அடுத்தடுத்த வானிலை அறிவிப்புகள் முக்கியத்துவம் பெறுகின்றன.

இதையும் படிங்க: தமிழகம் முழுவதும் காலை 9 மணி முதல் 5 மணி வரை... அனைத்து ரேஷன் கார்டுக்கும் அரசு வெளியிட்ட முக்கிய அறிவிப்பு! மிஸ் பண்ணிட்டாத்தீங்க...!!!