எதிர்நீச்சல் சீரியலில் ஈஸ்வரி மரணம்? – ரசிகர்கள் மத்தியில் பரபரப்பு...

சன் தொலைக்காட்சியில் ஒளிப்பரபாகும் பிரபலமான எதிர்நீச்சல் சீரியல், ரசிகர்களை கவரும் கதாபாத்திரங்களாலும் திருப்பங்களாலும் தொடர்ந்து பேசப்பட்டு வருகிறது. சமீபத்தில், இந்த தொடரில் இடம்பெறும் ஈஸ்வரி கதாபாத்திரம் குறித்து பரவியுள்ள தகவல்கள் ரசிகர்கள் மத்தியில் பெரும் பரபரப்பை ஏற்படுத்தியுள்ளது.

கதாபாத்திரங்களில் மாற்றங்கள்

இந்த சீரியல் பெண்களின் போராட்டத்தை மையமாகக் கொண்டு உருவாக்கப்பட்டுள்ளதுடன், நான்கு மருமகள்களின் வாழ்க்கை மற்றும் சவால்களைப் பதிவு செய்கிறது. முதற்கட்டத்தில் முக்கிய வில்லனாக நடித்த மாரிமுத்து மறைவுக்குப் பின்னர், கதை மாற்றங்கள் ஏற்பட்டன. இரண்டாம் பாகத்தில் மதுமிதா விலகிய நிலையில், பார்வதி ஜனனி கதாபாத்திரத்தில் புதிய மாற்றம் செய்யப்பட்டு கதை தொடர்கிறது.

விறுவிறுப்பான திருப்பம்

தற்போது கதை தர்சன் திருமணத்தைச் சுற்றி நகர்கிறது. இந்நிலையில், குணசேகரன் மற்றும் ஈஸ்வரி இடையேயான மோதல் உச்சத்திற்கு சென்றதில், ஈஸ்வரி கடுமையான காயத்தால் கோமா நிலைக்கு சென்று விடுகிறார். மருத்துவர்கள் அவரது நிலைமை குறித்து சோகமான தகவலை பகிர்ந்துள்ளனர்.

இதையும் படிங்க: எதிர்நீச்சல் சீரியலில் இருந்து அனைவருக்கும் பிடித்த இந்த பிரபலம் வெளியேறுகிறாரா? அதிர்ச்சியில் ரசிகர்கள்...

ஈஸ்வரியின் எதிர்காலம்?

சமீபத்தில், கனிகா இந்த தொடரில் இருந்து விலகப்போகிறார் எனும் செய்தி வெளியாகியுள்ளது. இது உண்மையானால், கோமா நிலையில் இருக்கும் ஈஸ்வரி இறப்பது போன்ற காட்சிகள் ஒளிபரப்பப்படலாம் என கூறப்படுகிறது. ரசிகர்கள், பெண்கள் தோற்பது போன்ற கதைக் களங்கள் தொடர்ந்தால், ரசிகர் எதிர்ப்பு அதிகரிக்கக்கூடும் எனக் கருத்து தெரிவித்து வருகின்றனர்.

இந்த வதந்தி உண்மை என்றால், எதிர்நீச்சல் தொடரின் கதைக் களத்தில் பெரும் அதிர்வை ஏற்படுத்தும் என்பது உறுதி. தொடர்ந்தும் ரசிகர்களை கவரும் விதமாக கதை நகருமா என்பதே இப்போது கேள்வியாக உள்ளது.

இதையும் படிங்க: கதையில் இப்படி ஒரு திருப்பமா! ஈஸ்வரிக்கு என்ன ஆச்சு! மருத்துவர் கூறியதும் அதிர்ச்சியில் உறைந்த மொத்த குடும்பம்! எதிர்நீச்சல் ப்ரோமோ...