காங்கிரஸ் கட்சியில் இருந்து விலகி... தற்போது தவெக - வில் இணைந்த 'அந்த' முக்கிய புள்ளி..! யாரும் எதிர்பார்க்காத பெரிய டுவிஸ்ட்.!!!

தமிழக அரசியலில் கட்சி மாறுதல்கள் தொடர்ந்து கவனம் பெற்று வரும் நிலையில், காங்கிரஸ் கட்சியின் முன்னாள் செய்தித் தொடர்பாளரும் மூத்த நிர்வாகியுமான எஸ்.ஆர்.எஸ். இப்ராஹிம், தமிழக வெற்றிக் கழகம் கட்சியில் அதிகாரப்பூர்வமாக இணைந்துள்ளார். கட்சியின் பொதுச்செயலாளர் என். ஆனந்த் முன்னிலையில் நடைபெற்ற நிகழ்வில் அவருக்கு உறுப்பினர் அட்டை வழங்கி வரவேற்பு அளிக்கப்பட்டது.

காங்கிரஸில் இருந்து விலகிய பின்னர் புதிய அரசியல் பயணம்

காங்கிரஸ் கட்சியில் நீண்ட காலமாக செய்தித் தொடர்பாளராகவும், மண்டலப் பொறுப்பாளராகவும் செயல்பட்டு வந்த எஸ்.ஆர்.எஸ். இப்ராஹிம், கட்சியின் சில நிலைப்பாடுகளில் ஏற்பட்ட கருத்து வேறுபாடு காரணமாக அண்மையில் தனது அனைத்து பொறுப்புகளிலிருந்தும் விலகினார். இதையடுத்து, நடிகர் விஜய் தலைமையிலான கட்சியின் கொள்கைகளால் ஈர்க்கப்பட்டு தவெகவில் இணையும் முடிவை எடுத்ததாக கூறப்படுகிறது.

இதையும் படிங்க: கூட்டம் கூட்டம்மா தவெகவில் இணைந்து கும்மாளம் போடுறாங்களே....விஜய்யின் தவெக கட்சிக்கு குவியும் ஆதரவு! கடுப்பில் எடப்பாடி...!!!

பொதுச்செயலாளர் முன்னிலையில் இணைப்பு

இதையடுத்து நடைபெற்ற நிகழ்ச்சியில், பொதுச்செயலாளர் என். ஆனந்த், எஸ்.ஆர்.எஸ். இப்ராஹிமுக்கு சால்வை அணிவித்து வரவேற்றதுடன், உறுப்பினர் அட்டையையும் வழங்கினார். கட்சி நிர்வாகிகள் மற்றும் நிர்வாகப் பொறுப்பாளர்களும் நிகழ்வில் கலந்து கொண்டு அவருக்கு வாழ்த்து தெரிவித்தனர்.

மக்கள் நலக் கொள்கைகள் என்னை ஈர்த்தன

கட்சியில் இணைந்த பிறகு செய்தியாளர்களிடம் பேசிய எஸ்.ஆர்.எஸ். இப்ராஹிம், லஞ்சம் மற்றும் ஊழல் ஒழிப்பு, பெண்கள் பாதுகாப்பு, சிறுபான்மையினர் நலன் உள்ளிட்ட மக்கள் மையக் கொள்கைகளே தன்னை இந்த முடிவை எடுக்க வைத்ததாக தெரிவித்தார். மேலும், தமிழக வெற்றிக் கழகத்தின் கொள்கைகளை பொதுமக்களிடம் கொண்டு சேர்க்க இனி முழு அர்ப்பணிப்புடன் செயல்பட உள்ளதாகவும் கூறினார். அவரது இந்த இணைப்பு, தமிழக அரசியல் வட்டாரத்திலும் தவெக நிர்வாகிகள் மற்றும் தொண்டர்கள் மத்தியிலும் கவனத்தை ஈர்த்துள்ளது.

இதையும் படிங்க: பாஜகவுக்கு அடுத்த அதிர்ச்சி! ஆனந்த் முன்னிலையில் இணைந்த பாஜக விஜயலட்சுமி அரவிந்த்..! தமிழக அரசியலில் பெரும் பரபரப்பு..!!!