BREAKING : திடீர் திருப்பம்! 9 ஆண்டுகால திமுக - மதிமுக கூட்டணி உறவு முறிந்தது... முதலமைச்சர் விஜய்யுடன் கைக்கோர்த்த வைகோ!!!

தமிழக அரசியலில் முக்கிய திருப்பமாக, மதிமுக திமுக தலைமையிலான கூட்டணியில் இருந்து விலகி, முதலமைச்சர் விஜய் தலைமையிலான தமிழக வெற்றிக் கழகத்திற்கு ஆதரவு அளிப்பதாக வைகோ அதிகாரப்பூர்வமாக அறிவித்துள்ளார். இந்த அறிவிப்பு மாநில அரசியல் வட்டாரங்களில் பரபரப்பை ஏற்படுத்தியுள்ளது.

9 ஆண்டுகளுக்குப் பிறகு கூட்டணி மாற்றம்

கடந்த ஒன்பது ஆண்டுகளாக திமுக கூட்டணியில் இடம்பெற்றிருந்த மதிமுக, கட்சியின் பொதுக்குழு கூட்டத்தில் ஒருமனதாக நிறைவேற்றப்பட்ட தீர்மானத்தின் அடிப்படையில் இந்த முடிவை எடுத்ததாக வைகோ தெரிவித்துள்ளார். இதையடுத்து, சென்னை தலைமைச் செயலகத்தில் முதலமைச்சர் விஜய்யை நேரில் சந்தித்த அவர், பின்னர் செய்தியாளர்களைச் சந்தித்து இந்த முடிவை உறுதிப்படுத்தினார்.

இதையும் படிங்க: பெண்களுக்கு பாதுகாப்பு கொடுக்கும் CM விஜய் முதலில் மனைவிக்கு பதில் சொல்லட்டும்! இன்னும் 4- 6 மாதங்களில் முதல்வர் ஸ்டாலின் தான்..... அனிதா ராதாகிருஷ்ணன் பரபரப்பு பேச்சு.!!!

இடைத்தேர்தலில் தவெகவுக்கு முழு ஆதரவு

வரவிருக்கும் இடைத்தேர்தல்கள் மற்றும் உள்ளாட்சித் தேர்தல்களில் தமிழக வெற்றிக் கழக வேட்பாளர்களுக்கு மதிமுக முழு ஆதரவை வழங்கும் என்றும், அழைப்பு விடுக்கப்பட்டால் தேர்தல் பிரச்சாரத்திலும் பங்கேற்கத் தயாராக இருப்பதாகவும் வைகோ கூறினார். தற்போதைய இடைத்தேர்தலில் மதிமுக தனித்து போட்டியிடாது என்பதையும் அவர் தெளிவுபடுத்தினார்.

வைகோ விளக்கம்

முதலமைச்சர் விஜய் தலைமையிலான அரசின் செயல்பாடுகள், குறிப்பாக லஞ்சம் மற்றும் ஊழலை கட்டுப்படுத்த எடுத்த நடவடிக்கைகள் தங்களை கவர்ந்ததாக வைகோ தெரிவித்தார். அதேநேரத்தில், திமுக கூட்டணியில் ஏற்பட்ட சில கருத்து வேறுபாடுகள் மற்றும் அதிருப்திகளும் இந்த அரசியல் முடிவுக்குக் காரணமாக இருந்ததாக அரசியல் வட்டாரங்களில் பேசப்படுகிறது. மேலும், தேசிய அரசியல் அளவில் வைகோ தலைமையிலான மதிமுக தொடர்ந்து 'இந்தியா' கூட்டணியிலேயே நீடிக்கும் என்றும் அவர் விளக்கம் அளித்துள்ளார்.

இதையும் படிங்க: திடீர் ட்விஸ்ட்... வைகோ கூட்டணியில் எடுத்த அதிரடி முடிவு! பின்னணியில் இருக்கும் பகீர் ரகசியம்.... செம ஷாக்கில் ஸ்டாலின்!!!